Published:Updated:

பாராலிம்பிக்... இன்னொரு முறை உயர்ந்த இந்தியக்கொடி!

vikatan
பிரீமியம் ஸ்டோரி
News
vikatan

இந்தியாவும் பாராலிம்பிக் வரலாற்றில் மிகச்சிறந்த செயல்பாட்டைப் பதிவு செய்திருக்கிறது.

உலகம் உற்றுநோக்கவேண்டிய பாராலிம்பிக்ஸ் எனும் மகத்தான மேடையில் சரித்திரத்தை அரங்கேற்றிக்கொண்டிருக்கிறார்கள் 163 நாடுகளைச் சேர்ந்த வீரர்கள். முத்துக்கள் நிறைந்த அந்த மேடையில் இந்திய வைரங்களும் ஜொலித்துக்கொண்டிருக்கின்றன.

22 விளையாட்டுகளில் மொத்தம் 539 போட்டிகள். 4,537 அத்லெட்கள் எனக் கோலாகலமாக நடந்துகொண்டிருக்கிறது டோக்கியோ பாராலிம்பிக்ஸ். வீல்சேரைத் தள்ளிக்கொண்டே டென்னிஸ் கோர்ட்டின் மறுபுறத்தை அடையும் அந்த வீராங்கனை, டேபிள் டென்னிஸ் பேட்டை வாயில் கவ்விக்கொண்டு ஒவ்வொரு பந்தையும் திருப்பி அனுப்பும் அந்த வீரர், செயற்கைக் கால்களைக் கட்டிக்கொண்டு இலக்கை நோக்கி மின்னலெனப் பாயும் அந்த வீரர்கள்... இவர்களை விடவுமா போராட்டத்தைக் கற்றுக்கொடுக்க நமக்கு நாயகர்கள் தேவை? இதுவரை சந்தித்துவந்த அத்தனை தடங்கல்களுக்கும் மேலாக, இப்போது கொரோனா எனும் மிகப்பெரிய தடங்கலையும் தாண்டி டோக்கியோவில் தடம் பதித்துக்கொண்டிருக்கிறார்கள் இவர்கள்.

பாராலிம்பிக்... இன்னொரு முறை உயர்ந்த இந்தியக்கொடி!
பாராலிம்பிக்... இன்னொரு முறை உயர்ந்த இந்தியக்கொடி!

இந்தியாவும் பாராலிம்பிக் வரலாற்றில் மிகச்சிறந்த செயல்பாட்டைப் பதிவு செய்திருக்கிறது. அதுவும் தேசிய விளையாட்டு தினமான ஆகஸ்ட் 29 தொடங்கி, அடுத்த 27 மணி நேரத்தில் 6 பதக்கங்கள் வென்று அசத்தியது.

பாராலிம்பிக் வரலாற்றில் இந்தியப் பெண்கள் தங்கம் வென்றதில்லை என்ற குறையைப் போக்கினார் இளம் வீராங்கனை அவனி லெகரா. 12 வயதில் ஏற்பட்ட விபத்தால் வீல் சேரில் அமர்ந்தவர், 19 வயதில் மகத்தான சாதனை நிகழ்த்தியிருக்கிறார். துப்பாக்கி சுடுதல் 10 மீட்டர் ஏர் ரைபிள் பிரிவில் தங்கம் வென்றதோடு மட்டுமல்லாமல், உலக சாதனையையும் சமன் செய்தார் அவனி.

பாராலிம்பிக்... இன்னொரு முறை உயர்ந்த இந்தியக்கொடி!
பாராலிம்பிக்... இன்னொரு முறை உயர்ந்த இந்தியக்கொடி!

ரியோ ஒலிம்பிக்கில் 52 நொடிகள் தாமதமாக வந்ததாகச் சொல்லி வாய்ப்பு மறுக்கப்பட்டார் சுந்தர் சிங் குர்ஜார். அந்த வெறியில் வீட்டில் அடியெடுத்து வைக்காமல் பயிற்சியிலேயே ஈடுபட்டிருந்த அவர், டோக்கியோவில் ஈட்டி எறிதல் F46 பிரிவில் வெண்கலம் வாங்கி அசத்தினார். இதே பிரிவில் கடந்த இரண்டு ஒலிம்பிக் தொடர்களில் தங்கம் வென்றிருந்த தேவேந்திர ஜஜாரியா வெள்ளிப் பதக்கம் வென்றார். ஹாட்ரிக் தங்கம் வெல்ல முடியாமல் போயிருந்தாலும், தன்னுடைய மிகச்சிறந்த செயல்பாட்டை டோக்கியோவில் அரங்கேற்றினார் அவர். இந்தப் பதக்கம் மூலம் அதிக பாராலிம்பிக் மெடல்கள் வென்ற இந்தியர் என்ற ஜொகிந்தர் சிங் பேடியின் சாதனையை (3 பதக்கங்கள் - 1 வெள்ளி, 2 வெண்கலம்) சமன் செய்தார். ஈட்டி எறிதல் F64 பிரிவில் தங்கம் வென்ற சுமித் அன்டில் ஒரே நாளில் 3 முறை உலக சாதனையை உடைத்து சரித்திரம் படைத்தார்.

பாராலிம்பிக்... இன்னொரு முறை உயர்ந்த இந்தியக்கொடி!
பாராலிம்பிக்... இன்னொரு முறை உயர்ந்த இந்தியக்கொடி!
பாராலிம்பிக்... இன்னொரு முறை உயர்ந்த இந்தியக்கொடி!

பாராலிம்பிக்ஸில் தடகளத்தில்தான் இந்தியாவுக்கு எப்போதும் அதிக பதக்கங்கள் கிடைக்கும். இதற்கு முன்பு வென்றிருந்த 12 பதக்கங்களில், பத்துப் பதக்கங்கள் தடகளத்தில் கிடைத்தவை. ஆனால், இந்த முறை தடகளம் தாண்டியும் பதக்கங்கள் கிடைத்திருக்கின்றன. அவனி துப்பாக்கி சுடுதலில் கலக்கினார் என்றால், டேபிள் டென்னிஸில் இந்தியாவின் முதல் பாராலிம்பிக்ஸ் பதக்கத்தை வென்று கொடுத்தார் பவினா படேல்.

முன்பு சொன்னதுபோல், பதக்கங்கள் ஒருபுறம் இருக்கட்டும். எப்போதும் இல்லாத அளவுக்கு டோக்கியோவிற்கு 54 வீரர்களை அனுப்பியிருக்கிறது இந்தியா. 21-ம் நூற்றாண்டில் நடைபெற்ற முதல் 5 பாராலிம்பிக் போட்டிகளில் சேர்ந்து மொத்தமாக 50 பேர்தான் போயிருந்தனர். இதுவே நாம் போற்றவேண்டிய விஷயம்.