Published:Updated:

மீனாட்சி அம்மன் கோயிலில் மேத்யூ ஹேடன்!

Vikatan Correspondent
மீனாட்சி அம்மன் கோயிலில்  மேத்யூ ஹேடன்!
மீனாட்சி அம்மன் கோயிலில் மேத்யூ ஹேடன்!

ஸ்திரேலிய முன்னாள் கிரிக்கெட் வீரர் மேத்யூ ஹேடன், மதுரை மீனாட்சி அம்மன் கோயிலுக்கு சென்று சாமி கும்பிட்டார்.

ஐபிஎல் போட்டியைப்போன்றே, தமிழ்நாடு பிரீமியர் லீக் கிரிக்கெட் தொடர் தொடங்கப்படவுள்ளது. சென்னை, மதுரை உள்ளிட்ட 8 நகரங்களை மையமாகக் கொண்டு இந்த புதிய தொடர் நடைபெறவுள்ளது. இந்தத் தொடரை பிரபலப்படுத்தும் வகையில், ஆஸ்திரேலிய முன்னாள் கிரிக்கெட் வீரர் மேத்யூ ஹேடன் இன்று மதுரை சென்றார். மதுரை கிரிக்கெட் சங்க நிர்வாகிகள் மற்றும் இளம் கிரிக்கெட் வீரர்களுடன் கலந்துரையாடிய அவர், மதியம்.12.30 மணியளவில், மீனாட்சி அம்மன் கோயிலுக்கு சென்றார்.

கோயிலுக்கு வந்த அவருக்கு அர்ச்சகர்கள் மற்றும் கோயில் நிர்வாகிகள் மாலை அணிவித்து வரவேற்பளித்தனர். பின்னர் கோயிலுக்கு உள்ளே அழைத்து செல்லப்பட்ட ஹேடனுக்காக, சிறப்பு வழிபாடு நடத்தப்பட்டது. தொடர்ந்து கோயில் முழுவதையும் ஹேடன் சுற்றிப் பார்த்தார். பொற்தாமரைக் குளத்தின் அருகே நின்று புகைப்படமும் எடுத்துக் கொண்டார். அர்ச்சகர்கள், ஹேடனுக்கு மீனாட்சி அம்மன் கோயிலின் பெருமைகளை விளக்கிக் கூறினர்.

தொடர்ந்து மதுரை வேலம்மாள் கல்லூரி மற்றும் தியாகராஜர் கல்லூரிக்கு மேத்யூ ஹேடன் சென்றார்.