Published:Updated:

ரெய்னா, ஜடேஜா, பிரவோ மீது லஞ்சப் புகார்: ஐ.சி.சி. அனுப்பிய கடிதத்தை பி.சி.சி.ஐ அமுக்கியதா?

ரெய்னா, ஜடேஜா, பிரவோ மீது லஞ்சப் புகார்:  ஐ.சி.சி. அனுப்பிய கடிதத்தை பி.சி.சி.ஐ அமுக்கியதா?
ரெய்னா, ஜடேஜா, பிரவோ மீது லஞ்சப் புகார்: ஐ.சி.சி. அனுப்பிய கடிதத்தை பி.சி.சி.ஐ அமுக்கியதா?

ரெய்னா, ஜடேஜா, பிரவோ மீது லஞ்சப் புகார்: ஐ.சி.சி. அனுப்பிய கடிதத்தை பி.சி.சி.ஐ அமுக்கியதா?

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

சென்னை சூப்பர் கிங்ஸ் அணி வீரர்கள் சுரேஷ் ரெய்னா, ரவீந்தர ஜடேஜா மற்றும் ட்வைன் பிராவோ ஆகியோர் தலா 20 கோடி ரூபாய் அளவிற்கு லஞ்சம் பெற்றதாக லலித் மோடி அனுப்பிய கடிதத்தை பி.சி.சி.ஐ- யின் ஊழல் தடுப்பு பிரிவிற்கு அனுப்பி வைத்ததாக ஐ.சி.சி. கூறியுள்ளது.

ரெய்னா, ஜடேஜா, பிரவோ மீது லஞ்சப் புகார்:  ஐ.சி.சி. அனுப்பிய கடிதத்தை பி.சி.சி.ஐ அமுக்கியதா?

பாபா திவான் என்ற ரியல் எஸ்டேட் புரோக்கரிடம் இந்த 3 வீரர்களும் ரூ.20 கோடி அல்லது அதற்கு இணையான அடுக்குமாடி குடியிருப்பை லஞ்சமாக பெற்றதாக கடந்த 2013 ஆம் ஆண்டு ஜுன் மாதம், ஐ.சி.சி. தலைமை செயல் அதிகாரி டேவ் ரிச்சர்ட்சனுக்கு ஐ.பி.எல். முன்னாள் தலைவரான லலித் மோடி, கடிதம் எழுதியுள்ளார்.

லலித் மோடி அடிக்கடி சென்னை அணியை சேர்ந்த 4 வீரர்களுக்கு சூதாட்ட தரகர்களுடன் தொடர்பிருப்பதாக கூறி வந்தாலும், இது வரை வெளிப்படையாக பெயரை வெளியிட்டதில்லை. இந்நிலையில்  ஐ.சி.சி.க்கு அவர் எழுதிய கடிதத்தை ட்விட்டரில் நேற்று முன்தினம் ஓபனாக வெளியிட்டு விட்டார். 

இதற்கிடையே லலித் மோடி, ஐ.சி.சி.க்கு அனுப்பிய கடிதத்தை உடனடியாக பி.சி.சி.ஐ-யின் ஊழல் தடுப்பு பிரிவின் பார்வைக்கு அனுப்பி விட்டதாக ஐ.சி.சி. தெரிவித்துள்ளது. வழக்கமான விசாரணையை பி.சி.சி.ஐ. நடத்தியதாக ஐ.சி.சி. தெரிவித்துள்ளது. ஆனால் இந்த குற்றச்சாட்டு ஆதாரமற்றது என்று ஏன் அறிவிக்கவில்லை என தெரியவில்லை. 

மாறாக இதுவரை பி.சி.சி.ஐ அந்த கடிதத்தை பற்றி வாய் திறக்கவில்லை. தற்போது அந்த கடிதத்தை லலித் மோடி வெளியிட்ட பின்னரே, இவ்விவகாரம் விஸ்வரூபம் எடுத்துள்ளது. ஆனாலும் இந்த 3 வீரர்கள் மீது எந்த விசாரணையும் நடத்தப்பட்டதாக தெரியவில்லை.

உண்மையை சொல்லப்போனால் இப்படி ஒரு கடிதம் எழுதப்பட்டிருப்பதே லலித் மோடி ட்விட்டரில் வெளியிட்ட பிறகுதான் தெரிய வந்துள்ளது. இந்நிலையில் பிகார் கிரிக்கெட் சங்கச் செயலாளர் ஆதித்யா வர்மா, இந்த விவகாரத்தில் ஐ.சி.சி. எடுத்த நடவடிக்கை குறித்து அறிய கிரிக்கெட் உலகம் ஆவலாக இருப்பதாக ஐ.சி.சி.க்கு கடிதம் எழுதியுள்ளார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு