Published:Updated:

இந்தோனேசியாவில் சாதித்த இந்தியர்கள்! - ஆசிய விளையாட்டுப் போட்டிகள் - 2018

இந்தோனேசியாவில் சாதித்த இந்தியர்கள்! - ஆசிய விளையாட்டுப் போட்டிகள் - 2018
பிரீமியம் ஸ்டோரி
News
இந்தோனேசியாவில் சாதித்த இந்தியர்கள்! - ஆசிய விளையாட்டுப் போட்டிகள் - 2018

விளையாட்டு

ந்தோனேஷியாவின் பலேம்பாங் நகரில் நடந்த ஆசிய விளையாட்டுப் போட்டிகளில் 15 தங்கம் உட்பட, 69 பதக்கங்கள் வென்று அசத்தியுள்ளது இந்தியா. தடகளம், பேட்மின்டன், துப்பாக்கிச் சுடுதல், மல்யுத்தம் எனப் பல்வேறு விளையாட்டுகளில் முத்திரை பதித்தனர் நம் வீரர்கள். 16 நாள்கள் நடந்த இந்தத் திருவிழாவின் ஸ்பெஷல் அப்டேட்ஸ்!

இந்தோனேசியாவில் சாதித்த இந்தியர்கள்! - ஆசிய விளையாட்டுப் போட்டிகள் - 2018

* 2014-ம் ஆண்டு இன்சியான் நகரில் நடந்த ஆசிய விளையாட்டுப் போட்டியில், 11 தங்கம் உட்பட 57 பதக்கங்கள் வென்றிருந்தது இந்தியா. பதக்கப் பட்டியலில் 8-ம் இடம் பிடித்திருந்தது. இந்த முறை (15 தங்கம், 24 வெள்ளி, 30 வெண்கலம்) 12 பதக்கங்கள் அதிகமாக வென்றுள்ள இந்தியா, அதே 8-ம் இடம்தான் பிடித்தது. ஒரு ஆசிய விளையாட்டுப் போட்டியில் இந்தியாவின் சிறந்த செயல்பாடு இதுதான்.

*132 தங்கம், 92 வெள்ளி, 65 வெண்கலம் உட்பட 289 பதக்கங்களை அள்ளி, புள்ளிப் பட்டியலில் மீண்டும் முதலிடம் பிடித்தது சீனா. 2014-ம் ஆண்டுடன் ஒப்பிடும்போது இது அவர்களுக்குச் சறுக்கல்தான். 4 ஆண்டுகளுக்கு முன்பு, 151 தங்கம் உட்பட, 345 பதக்கங்கள் வென்றிருந்தது சீனா!

*தடகளம்தான் இந்தியாவுக்கு அதிகப் பதக்கங்கள் வென்று கொடுத்தது. 7 தங்கம், 10 வெள்ளி, 2 வெண்கலம் உட்பட 19 பதக்கங்களை, இந்தியத் தடகள வீரர்கள் வென்றனர். அதற்கு அடுத்தபடியாக துப்பாக்கிச் சுடுதலில் 9 பதக்கங்கள் கிடைத்தன. மல்யுத்தம், கான்ட்ராக்ட் பிரிட்ஜ் (கார்டு கேம்), டென்னிஸ், படகோட்டுதல் விளையாட்டுகளில் தலா 3 பதக்கங்கள் கிடைத்தன.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
இந்தோனேசியாவில் சாதித்த இந்தியர்கள்! - ஆசிய விளையாட்டுப் போட்டிகள் - 2018

*20 வயதுக்குட்பட்டோர் உலக சாம்பியன்ஷிப் தடகளத்தில் இந்தியாவின் முதல் தங்கப் பதக்கம் வென்று அசத்திய ஹீமா தாஸ், இந்தத் தொடரில் 3 பதக்கங்கள் வென்றார். 400 மீட்டர் ஓட்டத்தில் வெள்ளிப் பதக்கம், 4X400 மீட்டர் கலப்புத் தொடர் ஓட்டத்தில் வெள்ளி என அசத்தினார். அதன்பின் நடந்த 4X400 மீட்டர் பெண்கள் தொடர் ஓட்டத்தில் தங்கம் வென்று இந்தியாவுக்குப் பெருமை சேர்த்தார். 200 மீட்டர் ஓட்டப் பந்தயத்தில் மட்டும் தகுதி நீக்கம் செய்யப்படாமல் இருந்திருந்தால் ஹீமா 4 பதக்கங்களோடு இந்தியா திரும்பியிருப்பார்.   

*ஆண்கள் 10 மீட்டர் ஏர் பிஸ்டல் துப்பாக்கிச் சுடுதல் போட்டியில் தங்கம் வென்று அசத்தினார் 16 வயது இளம் வீரர் சௌரப் சௌத்ரி. தகுதிச் சுற்றில் 586 புள்ளிகள் பெற்று இறுதிப் போட்டிக்குள் நுழைந்தவர், 240.7 புள்ளிகள் பெற்று ஆசிய விளையாட்டுப் போட்டி சாதனையோடு தங்கம் வென்றார். உத்திரப் பிரதேசத்தின் மீரட் நகரில் பிறந்த சௌரப் சௌத்ரியின் வயது 16! இதற்கு முன்பு, ஜூன் மாதம் ஜெர்மனியில் நடந்த உலக ஜூனியர் துப்பாக்கிச் சுடுதல் போட்டியில் உலக சாதனையோடு தங்கம் வென்றிருந்தார் சௌரப்.

இந்தோனேசியாவில் சாதித்த இந்தியர்கள்! - ஆசிய விளையாட்டுப் போட்டிகள் - 2018

*50 கிலோ பெண்கள் ஃப்ரீ ஸ்டைல் மல்யுத்தப் போட்டியில் தங்கம் வென்று சாதனை படைத்துள்ளார் வினேஷ் போகத். ஆசிய விளையாட்டுப் போட்டிகளில், மல்யுத்தத்தில் தங்கம் வென்ற முதல் இந்தியப் பெண் வினேஷ். இந்த ஆண்டு மட்டும், காமன்வெல்த், ஆசிய விளையாட்டு என இரு முக்கியப் போட்டிகளில் தங்கம் வென்று அசத்தியிருக்கும் வினேஷ், நிச்சயம் ஒலிம்பிக் தொடரில் பதக்கம் வெல்வார்.

*இந்த ஆசிய விளையாட்டுப் போட்டியில் தமிழக வீரர்கள் பலரும் சிறப்பாகச் செயல்பட்டுப் பதக்கம் வென்றுள்ளனர். அனுபவ வீரர்கள் சரத் கமல், ஜோஷ்னா சின்னப்பா, தீபிகா பல்லிகல், என ஓர் இளைஞர் பட்டாளமே பதக்கங்கள் வென்று குவித்துள்ளது.

இந்தோனேசியாவில் சாதித்த இந்தியர்கள்! - ஆசிய விளையாட்டுப் போட்டிகள் - 2018

*ஒலிம்பிக் தொடரில் பதக்கம் வென்ற மல்யுத்த வீரர்களான சாக் ஷி மாலிக், சுஷில் குமார் ஆகியோர் இந்த ஆசியப் போட்டியில் ஆரம்பச் சுற்றுகளிலேயே வெளியேறி பெரும் அதிர்ச்சியளித்தனர்.

*இதுவரை ஆசிய விளையாட்டுப் போட்டியில் கபடியில் தங்கம் மட்டுமே வென்று வந்த இந்திய அணி, இம்முறை ஆண்கள், பெண்கள் என இரண்டு பிரிவிலும் தடுமாறியது. ஆண்கள் கபடி அணி அரையிறுதியில் இரானிடம் தோற்று வெண்கலம் வென்றது. பெண்கள் அணியும் இறுதிப் போட்டியில் இரானிடம் தோற்று வெள்ளிப் பதக்கம் வென்றது.

- மு.பிரதீப் கிருஷ்ணா