Published:Updated:

ஒரே அசிங்கமாயிருச்சு நெய்மாரு!

ஒட்டுமொத்த விகடனுக்கும் ஒரே ஷார்ட்கட்

Use App
ஒரே அசிங்கமாயிருச்சு நெய்மாரு!
ஒரே அசிங்கமாயிருச்சு நெய்மாரு!

மு.பிரதீப் கிருஷ்ணா

பிரீமியம் ஸ்டோரி

நான்கு மணி நேர இடைவெளியில் மெஸ்ஸி, கிறிஸ்டியானோ ரொனால்டோ இருவரும் உலகக் கோப்பையிலிருந்து வெளியேற்றப்பட்டார்கள். ஆறாவது நாள், நெய்மரும் கிளம்பிவிட்டார். மிகப்பெரிய சூப்பர் ஸ்டார்களை வெளியேற்றிவிட்டு, புதிய நட்சத்திரங்களை உலகின் பார்வையில் அரங்கேற்றிக்கொண்டிருக்கிறது ரஷ்யா. இந்த உலகக் கோப்பை இன்னும் இன்னும் ஆச்சர்யங்களைக் கொடுத்துக்கொண்டே இருக்கிறது.

ஒரே அசிங்கமாயிருச்சு நெய்மாரு!

புது நாயகன் உதயமாகிறான்

திக்கித்திணறி நாக் அவுட் சுற்றுக்கு முன்னேறிய அர்ஜென்டினா அணி, இளம் ஃபிரான்ஸ் அணியின்

ஒரே அசிங்கமாயிருச்சு நெய்மாரு!

துடிப்பான ஆட்டத்துக்கு ஈடுகொடுக்க முடியாமல் சரணடைந்தது. போட்டியின் தொடக்கத்தில் அத்தனை கேமராக்களும் மெஸ்ஸியை மட்டுமே மையம் கொண்டிருக்க, கேமராக்களோடு, கால்பந்து ரசிகர்களின் கவனத்தையும் தன் பக்கம் திருப்பினார் 19 வயது கிலியன் எம்பாப்பே. வேகம், டெக்னிக், ஸ்கில், துல்லியம் என முதல்தரமான ஆட்டத்தை வெளிப்படுத்தி, இரண்டு கோல்களையும் அடித்து அர்ஜென்டினாவையும் மெஸ்ஸியையும் ஊருக்கு அனுப்பினார் இந்த இளம் புயல்.

கால்பந்தின் பிதாமகன் பீலேவுக்குப் பிறகு, ஒரு போட்டியில் ஒன்றுக்கு மேற்பட்ட கோல் அடித்த டீனேஜர் என்ற பெயரைப் பெறும் இரண்டாவது ஆள் எம்பாப்பே! உள்ளூர்ப் போட்டிகளில் கடந்த இரண்டு ஆண்டுகளாகப் பட்டையைக் கிளப்ப, ‘ஜூனியர் ஹென்றி’ என்று புகழ்ந்தார்கள் ஃபிரான்ஸ் ரசிகர்கள். உலகக் கோப்பை அரங்கில் மெஸ்ஸியையே தன் நிழலில் மறைக்க, கால்பந்தாட்ட உலகின் மொத்த வெளிச்சமும் இவர்மீது படர்ந்துள்ளது. உலகக் கோப்பையின் சிறந்த வீரருக்கான விருதும், கால்பந்து உலகில் மிகப்பெரிய எதிர்காலமும் இவருக்கு வெயிட்டிங்!

ஒரே அசிங்கமாயிருச்சு நெய்மாரு!

தொடர்ந்து வீழும் சாம்பியன்கள்

இந்த உலகக் கோப்பையில் சுமாரான அணிகளிடம் அடிவாங்கி வெளியேறுவதை முன்னாள் சாம்பியன்க ளெல்லாம் ஹாபியாகவே செய்துவருகின்றனர். உலகக் கோப்பைத் தகுதிச் சுற்றில், ஸ்வீடனிடம் வீழ்ந்து இதற்குப் பிள்ளையார் சுழி போட்டது இத்தாலி. அடுத்து லீக் சுற்றில் மெக்சிகோ, தென் கொரியா

ஒரே அசிங்கமாயிருச்சு நெய்மாரு!

அணிகளிடம் வீழ்ந்து நடையைக் கட்டியது நடப்பு சாம்பியன் ஜெர்மனி. ஐஸ்லாந்து, குரோஷியாவிடமெல்லாம் அடிவாங்கித் தப்பித்தாலும் கடைசியில் அர்ஜென்டினாவும் வெளியேறவே செய்தது.

இப்படிப் பெரிய அணிகளெல்லாம் டாடா காட்ட, கோப்பையை வெல்லக் கூடிய அணிகளாகப் பலரும் கருதியது ஸ்பெய்ன், பிரேசில் அணிகளைத்தான். பிரேசில் காலிறுதியில், பலம் வாய்ந்த பெல்ஜியம் அணியிடம்தான் வீழ்ந்தது. ஆனால், ஸ்பெய்னோ ரஷ்யாவிடம் தோற்றுப்போய் வெளியேறிவிட்டது. இந்த உலகக் கோப்பையை நடத்தியிருக்காவிட்டால், நிச்சயம் ரஷ்யா தகுதி பெற்றிருக்காது. உலகக் கோப்பை தொடங்கும்போது, 32 அணிகளில் மோசமான ரேங்கிங் வைத்திருந்தது ரஷ்யாதான். ஆனால், சொந்த ரசிகர்கள் முன்னிலையில் உத்வேகம் பெற்று அடுத்த சுற்றுக்கு முன்னேறிவிட்டது.

ஒரே அசிங்கமாயிருச்சு நெய்மாரு!

இருந்தாலும், அந்த அணியின் ஆட்டம் பெரிய அணிகளுக்கு சவால் கொடுக்கும் அளவுக்கு இல்லை. ஆனால், அவர்க ளிடமும் ஸ்பெயின் தோற்றது தான் கொடுமை. கோல் போடவேண்டும் என்பதை மறந்து தங்களுக்குள் பாஸ் போடுவதையே பிரதான பிளானாக வைத்திருந்தனர் ஸ்பெயின் வீரர்கள். 120 நிமிடங்களில் 1031 அக்யூரேட் பாஸ்கள்! என்ன பிரயோஜனம்? அடித்தது ஒரே ஒரு கோல். எதிரணியின் பாக்ஸுக்குள் வித்தை காட்டுவதை விட்டுவிட்டு, நடுகளத்தில் பாஸ் போட்டு வேடிக்கை காட்ட, பெனால்டி ஷூட் அவுட்டில் அவர்களுக்கு டாட்டா காட்டிவிட்டது ரஷ்யா. உலகக் கோப்பை தொடங்க ஒரு நாள் இருக்கும்போது பயிற்சியாளரை மாற்றியதற்கான அனைத்து பலன்களையும் அனுபவித்து, மற்ற அணிகளுக்குப் பாடமும் கற்பித்தி வெளியேறியது ஸ்பெய்ன்.

ஒரே அசிங்கமாயிருச்சு நெய்மாரு!

ரொனால்டோ டாப்... மெஸ்ஸி ஃபிளாப்... நெய்மர்..?

மெஸ்ஸி, ரொனால்டோ, நெய்மர் என இந்த 3 சூப்பர் ஸ்டார்களில் யார் தங்கள் அணியை வெற்றிகரமாக வழிநடத்துவார் என்றுதான் தொடக்கத்தில் கால்பந்து உலகம் எதிர்பார்த்தது. ஆனால், எதிர்பாராத விதமாக மூவரின் அணியுமே அரையிறுதியைக்கூட எட்டாமல் வெளியேறிவிட்டது. சரி, இருந்தாலும் அவர்களில் யார் பெஸ்ட் என்று தெரிந்தால்தானே கால்பந்து வெறியனின் சந்தேகங்கள் தீரும்.

அந்த மூவருள், பெரும்பாலான ரசிகர்களைத் திருப்திப்படுத்தியது ரொனால்டோதான். சுமாரான தன் அணியை, தன் 4 கோல்கள் மூலமாக அடுத்த சுற்றுக்கு அழைத்துச் சென்றவர், பலமான ஸ்பெயின் அணிக்கு எதிராக ஹாட்ரிக் கோல் அடித்ததால், அப்போதே அவரின் ரசிகர்கள் திருப்தியடைந்துவிட்டார்கள். போர்ச்சுகல் அணியின் பலம் அவ்வளவுதான் என்று தெரிந்ததால் எதிர்பார்ப்புகள் குறைவே. அந்தக் குறைந்த எதிர்பார்ப்புக்குள் நிறைவான பர்ஃபாமன்ஸ் கொடுத்து ஃபர்ஸ்ட் கிளாஸில் பாஸாகி விட்டார் CR7.

ஒரே அசிங்கமாயிருச்சு நெய்மாரு!

அதே சமயம், தன்மீதான எதிர்பார்ப்புகளை யெல்லாம் மொத்தமாக காலி செய்துவிட்டார் மெஸ்ஸி. அடித்தது ஒரே ஒரு கோல். இதில் பெனால்டி மிஸ் வேறு. போதாக்குறைக்கு அர்ஜென்டினா

ஒரே அசிங்கமாயிருச்சு நெய்மாரு!

சொதப்பும்போதெல்லாம், இவரது ஆட்டிட்யூட் கடும் விமர்சனத்துக்கு ஆளானது. ஒரு கேப்டனாக, அணியை இவர் வழிநடத்திய விதம் பெரும் ஏமாற்றம். ‘பார்சிலோனாவுக்குப் பட்டையைக் கிளப்புறீங்க, அர்ஜென்டினாவுக்கு மட்டும் ஏன் சரியா ஆடமாட்டேங்குறீங்க’ என்ற கோஷம் இன்னும் அடங்கியபாடில்லை.

நெய்மர் - இந்த மூவரில் அதிக ஷாட் அடித்தது, அதிக வாய்ப்புகளை உருவாக்கியது, அதிக பாஸ் செய்தது எனப் பல லிஸ்ட்களில் நெய்மர்தான் முதலிடம். ஆனால், அவரின் அந்த நல்ல பர்ஃபாமன்ஸ்களை, அவர் உருண்டு கொடுத்த பர்ஃபாமன்ஸ் ஓவர்டேக் செய்ய, ‘பேட் பாய்’ இமேஜ் உண்டாகிவிட்டது. ஒரு கால்பந்து வீரரின் திறமையை அந்தச் செயல்களை வைத்துக் குறைத்து மதிப்பிடுவது சரியல்ல. 2 கோல்கள் அடித்தும், 1 அசிஸ்ட் செய்தும் ஓகே-வாக விளையாடினார். ஆனாலும், பிரேசில் அணியின் தரத்தையும், அவர்கள் மீதிருந்த எதிர்பார்ப்பையும் கணக்கில் கொண்டால், இது போதாது நெய்மர்.

ஒரே அசிங்கமாயிருச்சு நெய்மாரு!

ஸ்வச் ஜப்பான்!

பெரிய அணிகளுக்கு ஷாக் கொடுத்து, ரஷ்யா, மெக்சிகோ, கொரியா போன்ற அணிகளெல்லாம் கால்பந்து ரசிகர்களிடையே நல்ல வரவேற்பைப் பெற்றன. அந்த வகையில் ஜப்பான் இன்னொரு படி மேலே சென்று அனைவரின் இதயத்தையும் வென்றது. பெல்ஜியம் அணிக்கெதிராக 2 கோல்கள் முன்னிலை பெற்று அசத்தியிருந்த அந்த அணி, கடைசி நிமிடத்தில் தோல்வியடைய நேரிட்டது. ஆனாலும், அவர்களின் அந்த ஆட்டத்தை உலகமே பாராட்டியது. ஆனால், அவர்களின் வீரர்களைவிட, ரசிகர்கள்தாம் அனைவரையும் கவர்ந்தனர்.

ஜப்பான் அணி விளையாடிய போட்டிகளை நேரில் பார்த்த ஜப்பான் ரசிகர்கள், போட்டி முடிந்த பிறகு கேலரியில் இருந்த குப்பைகளைத் தாங்களே அகற்றி மைதானத்தைச் சுத்தப்படுத்தினர். இணையதளத்தில் அவர்கள் சுத்தம் செய்யும் வீடியோ வைரலாக, அடுத்த போட்டியில் அவர்களோடு செனகல் ரசிகர்களும் சுத்தம் செய்யும் வேலையில் இணைந்தனர். கால்பந்து என்பது வெறும் வெற்றியைக் கொண்டாடுவது மட்டுமல்ல, மொத்தச் சுற்றுப்புறத்தையும் கொண்டாடுவது என்பதை ஜப்பானியர்கள் அழுத்தமாகப் பதிவுசெய்துவிட்டனர்.
 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு