Published:Updated:

தோல்வியில் பிறந்த நம்பிக்கை!

தோல்வியில் பிறந்த நம்பிக்கை!
பிரீமியம் ஸ்டோரி
தோல்வியில் பிறந்த நம்பிக்கை!

பு.விவேக் ஆனந்த்

தோல்வியில் பிறந்த நம்பிக்கை!

பு.விவேக் ஆனந்த்

Published:Updated:
தோல்வியில் பிறந்த நம்பிக்கை!
பிரீமியம் ஸ்டோரி
தோல்வியில் பிறந்த நம்பிக்கை!
தோல்வியில் பிறந்த நம்பிக்கை!

ந்திய மகளிர் அணி, உலகக்கோப்பையில் ரன்னர் அப் ஆகியிருக்கிறது. இது மகத்தான சாதனை. தோற்றதில் என்ன சாதனை இருக்கிறது என்று கேட்கலாம்... ஆனால், ஆறு மாதங்களுக்கு முன்பு பெண்கள் கிரிக்கெட் உலகக்கோப்பையில் இந்திய அணி இறுதிப்போட்டிக்குத் தகுதி பெறும் என யாராவது சொல்லியிருந்தால் பலரும் நம்பியிருக்கமாட்டார்கள். ஏனெனில், இந்திய அணி அப்போது உலகக் கோப்பை விளையாடுவதற்கு நேரடியாகத் தகுதிபெறவில்லை. நம் மகளிர் அணிக்கு ரோஜா இதழ்கள் தூவிய பாதை கிடைக்கவில்லை. முட்கள் நிறைந்த, கடும் போராட்டங்கள் நிறைந்த பாதையில் பயணித்துதான் இந்தச் சாதனையை நிகழ்த்தியிருக்கிறது.  

தோல்வியில் பிறந்த நம்பிக்கை!

ஒட்டுமொத்த விகடனுக்கும் ஒரே ஷார்ட்கட்!

கடந்த உலகக் கோப்பை இந்தியாவில் நடைபெற்றபோது இந்தியா சாம்பியன் பட்டம் வெல்லும் என எதிர்பார்த்திருந்தார்கள். ஆனால், இந்திய மகளிர் அணி சூப்பர் சிக்ஸ் சுற்றுக்குக்கூடத் தகுதி பெறவில்லை. லீக் சுற்றோடு பரிதாபமாக வெளியேறியது. அந்தத் தோல்வியிலிருந்து மீண்டு, கடும் பயிற்சிகளை மேற்கொண்டு, புதுத் திட்டங்களைத் தீட்டி, கடுமையாகப் போராடி இன்று ரன்னர் அப் வரை வந்திருக்கிறது மகளிர் அணி என்பது சாதனைதான்.

 பிப்ரவரி மாதம் உலகக்கோப்பை தகுதிச் சுற்று இங்கிலாந்தில் நடந்தது. அப்போதுதான் அந்த மேஜிக் நடந்தது. நமது அணி லீக் சுற்றில் இலங்கை, தாய்லாந்து, அயர்லாந்து, ஜிம்பாப்வே ஆகிய அணிகளை வீழ்த்தி நம்பர் ஒன் அணியாக சூப்பர் சிக்ஸ் சுற்றுக்குள் காலடி எடுத்து வைத்தது. சூப்பர் சிக்ஸ் சுற்றில் தென்னாப்ரிக்கா, பாகிஸ்தான், இலங்கை, வங்கதேசம், அயர்லாந்து ஆகிய அணிகளை வீழ்த்தி, புள்ளிப்பட்டியலில் நம்பர்-1 அந்தஸ்துடன் நேரடியாக இறுதியில் நுழைந்தது. இறுதிப்போட்டியில் வலுவான தென்னாப்ரிக்காவைக் கடுமையாகப் போராடி வீழ்த்தி உலகக்கோப்பையில் விளையாடத் தகுதி பெற்றது இந்திய மகளிர் அணி.

இதே நேரத்தில் இங்கிலாந்தில் ஆண்கள் கிரிக்கெட்டுக்கான சாம்பியன்ஸ் டிராபி நடந்தது. இறுதிப்போட்டியில் பாகிஸ்தானிடம் மண்ணைக் கவ்வியது இந்திய அணி. ஆறே நாளில் அந்தக் காயத்துக்கு மருந்து போட்டது இந்திய மகளிர் அணி.      

தோல்வியில் பிறந்த நம்பிக்கை!

கடந்த  ஜூன் 24 ஆம் தேதி மகளிர் உலகக்கோப்பை தொடங்கியது. முதல் போட்டியிலேயே இங்கிலாந்தைச் சந்தித்தது இந்திய அணி. இங்கிலாந்து எளிதில் இந்தியாவை வீழ்த்திவிடும் என எதிர்பார்த்துக் காத்திருந்தவர்களுக்கு அதிர்ச்சி வைத்தியம் அளித்தது மிதாலி தலைமையிலான இந்திய அணி. அதுவரை மகளிர் கிரிக்கெட்டைக் கண்டுகொள்ளாத ரசிகர்கள் நிமிர்ந்து உட்கார்ந்தார்கள்.  இந்தப் போட்டியின் லீக் சுற்றில் கடைசிப்போட்டியில் நியூசிலாந்தை வென்றால்தான் இந்தியா அரை இறுதிக்குத் தகுதிபெற முடியும் என்ற நிலை. நியூசிலாந்துக்கும் இதே நிலைமை. கிட்டத்தட்ட காலிறுதிப்போட்டி போல நடந்தது இந்த மேட்ச். வலுவான நியூசிலாந்தை 186 ரன்கள் வித்தியாசத்தில் வென்று அரை இறுதியில் நுழைந்தது மிதாலி அணி. அரை இறுதியில் ஆஸ்திரேலியா இந்தியாவைப் பந்தாடக் காத்திருந்தது. மகளிர் கிரிக்கெட்டைப் பொறுத்தவரை கடந்த 45 ஆண்டுகளாக ஆஸ்திரேலியாவின் ராஜ்ஜியம்தான். ஆறு முறை உலகக் கோப்பையை வென்ற வலுவான ஆஸ்திரேலியாவை நம்பிக்கையுடன் எதிர்கொண்டது இந்திய மகளிர் அணி.   

தோல்வியில் பிறந்த நம்பிக்கை!

இந்தப் போட்டியில் வேகமாகச் சரிந்து கொண்டிருந்த இந்திய அணியைத் தாங்கிப்பிடித்தார் ஹர்மன்ப்ரீத் கவுர். அவரது அட்டகாசமான சதத்தால் 281 ரன்கள் குவித்தது. இதன்மூலம் ஆஸ்திரேலியாவையும் வென்று இறுதிப்போட்டிக்குள் நுழைந்தது.

பிப்ரவரி மாதத்திலிருந்து 19 சர்வதேசப் போட்டிகளில் 17 போட்டியில் வென்று அபாரமான ஃபார்மில் பைனலில் ஆட ரெடியானது நமது அணி. ரசிகர்கள் கடந்த ஞாயிற்றுக்கிழமை மகளிர் கிரிக்கெட் பார்க்க உட்கார்ந்திருந்தார்கள். இங்கிலாந்தை லீக் சுற்றில் ஏற்கெனவே வீழ்த்தியிருந்ததால் இந்தியாமீது நம்பிக்கை அதிகரித்திருந்தது. 228 ரன்களுக்குள் இங்கிலாந்தைச் சுருட்டியது மிதாலியின் பௌலிங் ஆர்மி. கொஞ்சம் போராடினால் கோப்பை இந்தியாவுக்குத்தான் என ரசிகர்கள் நம்பிக்கையுடன் காத்திருந்தார்கள். ஸ்மிருதி டக் அவுட்டாகி அதிர்ச்சி அளித்தார். மிதாலி ராஜ் பொறுப்பின்றி ரன் அவுட் ஆனார். ரசிகர்கள் அதிர்ச்சியானார்கள். எனினும் பூனம் ராவுத்தும் ஹர்மன் ப்ரீத் கவுரும் நம்பிக்கை அளித்தார்கள். இன்னும் 40 ரன்கள் எடுத்தால் வெற்றி என இருந்த நிலையில் பூனம் ராவுத் அவுட் ஆனார். அதன்பிறகு இந்திய அணியின் விக்கெட்டுகள் சீட்டுக்கட்டுபோலச் சரிந்தது. வெறும் 28 ரன்களுக்கு ஏழு விக்கெட்டுகளை இழந்தது இந்திய அணி. ஒன்பது ரன்னில் ஒரு வரலாற்றுச் சாதனை தவறவிடப்பட்டது.இருந்தாலும் மிதாலி படை ரசிகர்களின் இதயத்தை வென்றுவிட்டது. கடைசி 20 போட்டிகளில் 17-ல் வெற்றி என்பது கொண்டாடப்பட வேண்டிய சாதனை.

கோடிக்கணக்கான பெண்களுக்கு நம்பிக்கை தந்திருக்கிறது இந்திய மகளிர் அணி. இனி நம் பள்ளிகளில் பெண்களையும் தாராளமாக கிரிக்கெட் விளையாட அனுமதிப்போம்தானே?