Published:Updated:

சிஎஸ்கே செய்த 5 தவறுகள்

சிஎஸ்கே செய்த 5 தவறுகள்
பிரீமியம் ஸ்டோரி
சிஎஸ்கே செய்த 5 தவறுகள்

ஐபிஎல் 2019 கோப்பையை இழந்தது எப்படி?

சிஎஸ்கே செய்த 5 தவறுகள்

ஐபிஎல் 2019 கோப்பையை இழந்தது எப்படி?

Published:Updated:
சிஎஸ்கே செய்த 5 தவறுகள்
பிரீமியம் ஸ்டோரி
சிஎஸ்கே செய்த 5 தவறுகள்

ட்டாவது முறையாக ஐபிஎல் இறுதிப்போட்டியை எட்டிப்பிடித்து அதில் ஐந்தாவது முறையாக தோல்வியடைந்து கோப்பையை இழந்திருக்கிறது சென்னை சூப்பர் கிங்ஸ். 2018 சீசனின் சாம்பியனான சென்னை சூப்பர் கிங்ஸ் 2019 சீசனில் மீண்டும் கோப்பையை வென்றிருக்கவேண்டிய அணி. ஆனால், சிஎஸ்கே செய்த சில முக்கியமான தவறுகளால் சாம்பியன் கனவு காலியாகியிருக்கிறது. 

சிஎஸ்கே செய்த 5 தவறுகள்

போங்கு பேட்ஸ்மேன்கள்!

எவ்வளவு மோசமாக விளையாடினாலும் பேட்டிங் ஆர்டர் மாறாது என்கிற உச்சபட்ச நம்பிக்கையை அணியின் வீரர்களுக்கு தோனி கொடுத்ததுதான் தவறுகளில் பெரும் தவறு. டுப்ளெஸ்ஸி, வாட்சன், சுரேஷ் ரெய்னா, அம்பதி ராயுடு, எம்.எஸ். தோனி, பிராவோ, ஜடேஜா என கிட்டத்தட்ட சென்னை விளையாடிய எல்லா போட்டிகளிலுமே இந்த பேட்டிங் ஆர்டர்தான். ஆனால், சென்னை அணியின் பேட்ஸ்மேன்கள் எல்லோரும் ஒன்றுசேர்ந்து ஒரு போட்டியில்கூட விளையாடவே இல்லை. டுப்ளெஸ்ஸி ஒரு போட்டியில் ரன் அடித்தால், வாட்ஸன் அடிக்கமாட்டார். ரெய்னா அடித்தால், ராயுடு அடிக்கமாட்டார் என மிகவும் மோசமான பேட்டிங் ஃபார்மில் இருந்தது சென்னை.  சூப்பர் கிங்ஸின் அதிகபட்ச ரன் ஸ்கோரர் ஐந்தாவது பேட்ஸ்மேனாக களமிறங்கிய எம்.எஸ். தோனிதான். 15 போட்டிகளில் விளையாடி 416 ரன்கள் அடித்திருக்கிறார் தோனி. இவரது பேட்டிங் ஆவரேஜ் 83.20. அதேப்போல் ஸ்ட்ரைக் ரேட்டிலும் தோனியே அதிகம். சில அணிகளின் பேட்ஸ்மேன்கள் எல்லாம் 150-க்கு மேல் ஸ்ட்ரைக் ரேட் வைத்திருக்க தோனியின் 134.62 என்பதே சென்னையின் அதிகபட்சம். தோனிக்கு அடுத்தபடியாக சென்னையின் டாப் பேட்ஸ்மேன் யார் தெரியுமா? ஃபார்மிலேயே இல்லாத, வாய்ப்புகளை வீணடித்த வாட்ஸன்தான். இந்த சீசனில் ரெய்னா, ராயுடுவுக்கு அடுத்தபடியாக சென்னை அணி விளையாடிய அனைத்து போட்டிகளிலுமே விளையாடியவர் வாட்ஸன். 17 இன்னிங்ஸ்களிலும் சேர்த்து 398 ரன்கள் அடித்திருக்கிறார் வாட்ஸன். இதில் மூன்று இன்னிங்ஸ்களில் 96, 80, 50 ரன்கள் அடித்தார் வாட்ஸன். இதை எடுத்துவிட்டால் மற்ற 14 போட்டிகளில் விளையாடி இவர் அடித்த ரன்கள் 172 மட்டுமே.  மூன்று முறை டக் அவுட், 5 முறை சிங்கிள் டிஜிட்டில் அவுட் என இவரது ஃபார்ம் அவ்வளவு மோசம். ஆனால் வாட்ஸனை ப்ளேயிங் லெவனில் இருந்து மாற்றவே இல்லை தோனி!

ஒட்டுமொத்த விகடனுக்கும் ஒரே ஷார்ட்கட்!

சிஎஸ்கே செய்த 5 தவறுகள்

சின்ன 'தல' சொதப்பல்கள்!

2010 ஐபிஎல்-க்குப்பிறகு 2019 சீசனில் தோனி இல்லாமல் இரண்டு போட்டிகளில் விளையாடியது சென்னை சூப்பர் கிங்ஸ். அந்த இரண்டு போட்டிகளிலுமே கேப்டனாக இருந்தவர் அணியில் சின்ன 'தல' என்று சொல்லப்படும் சுரேஷ் ரெய்னா. கேப்டனாக ரெய்னா தலைமையேற்ற 2 போட்டிகளிலுமே சென்னை தோல்வியையே சந்தித்தது. கேப்டனாக மட்டுமல்ல ஒரு பேட்ஸ்மேனாகவும் ரெய்னாவின் பர்ஃபாமென்ஸ் என்பது இந்த சீசனில் மிகவும் சுமார்தான். இந்த சீசனில் இவரது அதிகபட்ச ஸ்கோரே 59 ரன்கள்தான். பேட்டிங் ஆவரேஜ் வெறும் 23.93. 1 டவுன் பேட்ஸ்மேனான ரெய்னாவின் ஸ்ட்ரைக் ரேட்டும் மிகவும் மோசம். அடித்து ஆடவேண்டியவர் இந்த சீஸனில் 17 போட்டிகளிலும் விளையாடி அடித்த சிக்ஸர்கள் வெறும் 9. பேட்டிங்கில் மட்டுமல்லாமல் ஃபீல்டிங்கிலும் நிறைய சொதப்பியது ரெய்னா ஃபிட்டாகவும் இல்லை, ஃபார்மில் இல்லை என்பதையே  காட்டியது. ஆனால், சின்ன தல ஃபார்மில் இல்லாவிட்டாலும் அணிக்குள் கெத்தாக சுற்றியே வந்தார்.

சிஎஸ்கே செய்த 5 தவறுகள்

சோதனை முயற்சிகளே இல்லை!

சென்னை சூப்பர் கிங்ஸ் இந்த சீஸனில் 17  போட்டிகளில் விளையாடி 10 போட்டிகளில் தோல்வியடைந்திருக்கிறது. ஆனால், தோல்வியடைந்த போட்டிகளில் இருந்து எந்த பாடங்களையும் சென்னை சூப்பர் கிங்ஸ் படிக்கவில்லை. அணியில் பரீட்சார்த்த முயற்சிகள் என்பதே கிட்டத்தட்ட இல்லை என்றே சொல்லலாம். இந்த சீசனில் சாம் பில்லிங்ஸ் ஒரு போட்டி, முரளி விஜய் இரண்டு போட்டி, கார்ன் ஷர்மா 1 போட்டி, மோஹித் ஷர்மா 1 போட்டி, ஸ்காட் குகலின் 2 போட்டி, சான்ட்னருக்கு 4 போட்டி என மாற்று வீரர்களுக்கு  குறைந்தபட்ச வாய்ப்புகளே அளிக்கப்பட்டது. மற்றபடி அணியின் ப்ளேயிங் லெவனில் எந்த மாற்றங்களையும் செய்யவில்லை தோனி. 'ஹார்சஸ் ஃபார் கோர்சஸ்' என்பது தோனி முன்பு சொன்ன மேனேஜ்மென்ட் தத்துவம். ஆனால், வயதான, வேகமே இல்லாத குதிரைகளை மாற்றத்தயங்கிய ஜாக்கியாகவே இருந்தார் தோனி. சென்னை சேப்பாக்கம் மைதானத்தில் மும்பை இந்தியன்ஸுக்கு எதிராக சிறப்பாகப் பந்து வீசிய சான்ட்னருக்கு குவாலிஃபையரில் விளையாடும் வாய்ப்பு கிடைக்கும் என எல்லோரும் எதிர்பார்க்க ஹர்பஜன், தாஹிர், ஜடேஜா என்கிற காம்பினேஷனிலேயே தொடர்ந்தார் தோனி. இது நல்ல கூட்டணிதான். ஆனால், பிட்சுகளுக்கு ஏற்றபடி ப்ளேயர்களை களைத்துப்போட்டு பெஸ்ட் ப்ளேயிங் லெவனை ஒன்றுதிரட்டியிருக்க வேண்டும் தோனி. ஆனால் இந்த சீசன் முழுக்க அது மிஸ்ஸிங்!

சிஎஸ்கே செய்த 5 தவறுகள்

அவுட் ஆஃப் ஃபார்ம் பிராவோ!

சென்னை அணியின் முக்கியமான ஆல் ரவுண்டர் ட்வெய்ன் பிராவோ. இந்த சீசனில் பட்டையைக்  கிளப்புவார் என எல்லோராலும் எதிர்பார்க்கப்பட்டவர். ஆனால் பிராவோவின்  அதிகபட்ச ரன்னே  27 ரன்கள்தான். காயம் காரணமாக சென்னை அணியின் 5 போட்டிகளில் பிராவோ விளையாடவில்லை. 12 போட்டிகளில் விளையாடி அவர் எடுத்த விக்கெட்டுகள் 11. டெத் பெளலிங் ஸ்பெஷலிஸ்ட்டான பிராவோவின் டெத் ஓவர்களும் குறிப்பிடும்படி இல்லை. இந்த சீசனில் மொத்தம் 247 பந்துகள் வீசியிருக்கிறார் பிரவோ. ஆனால் கொடுத்த ரன்களோ 330. எக்கானமி ரேட் ஒரு ஓவருக்கு 8 ரன்களுக்கு மேலே. ஆனால், பிராவோவுக்கு ரீப்ளேஸ்மென்ட்டாக அவர் காயமடைந்திருந்தபோது களமிறங்கிய ஸ்காட் குகலினுக்கு அதற்குப்பிறகு வாய்ப்புகள் அளிக்கப்படவில்லை. எவ்வளவு சொதப்பினாலும் ப்ளேயிங் லெவனில் இருப்போம் என்கிற தெம்பில் ஆடிய பிராவோ இறுதிப்போட்டிவரை அசால்ட்டாகவே ஆடினார். லுங்கி எங்கிடி காயம் அடையாமல் இருந்திருந்தால் அவர் இந்த சீசனில் பல போட்டிகளில் ஆடியிருப்பார். அப்போது வெளிநாட்டு வீரர்களின் ஸ்லாட்டை தோனி மாற்றியமைத்திருப்பார். ஆனால் டுப்ளெஸ்ஸி, வாட்ஸன், பிராவோ, தாஹிர் என எந்த மாறுதல்களும் இல்லாமல் வெளிநாட்டு வீரர்களின் ஸ்லாட்டை ஃபில் செய்துகொண்டே போனார் தோனி. 

சிஎஸ்கே செய்த 5 தவறுகள்

தொடர் சான்ட்னர் புறக்கணிப்பு!

சென்னை அணியின் எல்லா போட்டிகளிலுமே விளையாடியிருக்கவேண்டியவர் இடது கை ஸ்பின்னரான சான்ட்னர். ஆனால் ஜடேஜாவின் இடத்துக்காகவும், ப்ளேயிங் லெவனில் வாட்ஸன் இருக்கவேண்டும் என்பதற்காகவுமே காவு கொடுக்கப்பட்டவர் சான்ட்னர். 4 போட்டிகளில் மட்டுமே விளையாடிய சான்ட்னர் 4 விக்கெட்டுகளை வீழ்த்தியது மட்டுமல்ல எக்கானாமி ரேட்டும் 6.71தான். 2 போட்டிகளில் மட்டுமே பேட்டிங் ஆடும் வாய்ப்பு சான்ட்னருக்கு கிடைத்தது. அதில் ஒரு போட்டியில் 22 ரன்கள் அதிகபட்சமாக அடித்தார் என்பதோடு, ராஜஸ்தான் ராயல்ஸுக்கு எதிரானப் போட்டியில் கடைசி ஓவரில் சிக்ஸர் அடித்து சென்னையை வெற்றிபெறவைத்தார். இந்த ஐபிஎல்-ல் பயன்படுத்தாமலேயே புறக்கணிக்கப்பட்டவர்களில் முக்கியமானவர் சான்ட்னர்.  ஜடேஜா 16 போட்டிகளில் விளையாடினார். 15 விக்கெட்டுகள் எடுத்தார். 128 டாட் பால்கள். சஹார், தாஹிர்க்கு அடுத்தபடியாக இவர்தான் அதிக டாட்பால் வீசியவர். ஆனால் ஆல்ரவுண்டர் ஸ்லாட்டில் இவர் ஃபில்லாகவே இல்லை. இவரது பேட்டிங் இந்த சீசனில் மிகவும் சுமார்.

மொத்தத்தில் எவ்வளவு சொதப்பினாலும் சொதப்பல் வீரர்களுக்குத் தொடர்ந்து வாய்ப்புகள் வழங்கப்பட்டதே இந்த சீசனில் சென்னையின் கோப்பை இழப்புக்குக் காரணம்!

சார்லஸ்