Election bannerElection banner
Published:Updated:

`கிரிக்கெட் உலகுக்குக் கிடைத்த சொத்து' - ரஷித் கானுக்கு பாராட்டு தெரிவித்த ஆப்கன் அதிபர்!

`கிரிக்கெட் உலகுக்குக் கிடைத்த சொத்து' - ரஷித் கானுக்கு பாராட்டு தெரிவித்த ஆப்கன் அதிபர்!
`கிரிக்கெட் உலகுக்குக் கிடைத்த சொத்து' - ரஷித் கானுக்கு பாராட்டு தெரிவித்த ஆப்கன் அதிபர்!

`கிரிக்கெட் உலகுக்குக் கிடைத்த சொத்து' - ரஷித் கானுக்கு பாராட்டு தெரிவித்த ஆப்கன் அதிபர்!

கிரிக்கெட் உலகுக்குக் கிடைத்த சொத்து ரஷீத் கான் என ஆப்கானிஸ்தான் அதிபர் அஷ்ரப் கானி பாராட்டு தெரிவித்துள்ளார். 

நேற்று நடந்த ஐபிஎல் குவாலிஃபையர் 2 போட்டியில் சன்ரைசர்ஸ் அணியின் வெற்றிக்கு துருப்புச் சீட்டாக இருந்தவர் சுழற்பந்துவீச்சாளர் ரஷீத் கான். ஸ்பின்னர் என்ற பார்வையில் ஐபிஎல்லில் நுழைந்த ரஷீத் கான் தான் ஒரு ஆல் ரவுண்டர் என்பதனை உலகுக்குக் காட்ட பல போட்டிகளில் முயற்சி செய்தார். ஆனால், அவருக்கு அதிர்ஷ்டம் கைகொடுக்கவில்லை. இருப்பினும் தொடர்ந்து போரடிய அவருக்கு, நேற்று கொல்கத்தாவுக்கு எதிரான குவாலிஃபையர் 2 போட்டி கைகொடுத்தது. நேற்றைய போட்டியில் தவான், கேப்டன் வில்லியம்சன் விரைவில் அவுட் ஆனதால் ஒருகட்டத்தில் ஹைதராபாத் அணி தடுமாறியது. ஆனால், கடைசி கட்டத்தில் களமிறங்கிய ரஷீத் அணிக்கு தெம்பூட்டினார். 10 பந்துகள் மட்டுமே சந்தித்த அவர் 4 சிக்ஸர், 2 பவுண்டரிகளுடன் 34 ரன்கள் விளாசினார். இதனால் ஹைதராபாத் அணி கொல்கத்தா அணிக்கு 174 ரன்கள் என்ற கவுரமான இலக்கை நிர்ணயித்தது. தொடர்ந்து பந்துவீசிய 4 ஓவர்களில் 19 ரன்களை மட்டுமே விட்டுக்கொடுத்து 3 விக்கெட்கள் வீழ்த்தினார். 

போதாக்குறைக்கு இரண்டு கேட்ச், ஒரு ரன் அவுட் என கொல்கத்தா அணியின் வீழ்ச்சிக்கு முக்கிய காரணியாக ரஷீத் விளங்கினார். இவருக்குப் பலரும் பாராட்டுகளைத் தெரிவித்துள்ள நிலையில் ஆப்கானிஸ்தான் அதிபர் அஷ்ரப் கானி தற்போது பாராட்டு தெரிவித்துள்ளார். இதுகுறித்து அஷ்ரப் கானி ட்விட்டரில் பதிவிட்டுள்ளதாவது,  ``நமது ஹீரோவான ரஷீத்தால் ஆப்கன் பெருமைகொள்கிறது. ஆப்கன் வீரர்கள் தங்களது திறமையை வெளிப்படுத்தச் சிறந்த தளத்தை வழங்கிய எனது இந்திய நண்பர்களுக்குத் தெரிவித்துக்கொள்கிறேன். ஆப்கானிஸ்தானின் பெருமை என்ன என்பதை ரஷீத் நமக்கு எடுத்துரைத்துள்ளார். அவர் கிரிக்கெட் உலகுக்குச் சொத்தாக இருக்கிறார். நாம் அவரை எப்போதும் விட்டுக்கொடுக்கப்போவதில்லை" என்று தெரிவித்துள்ளார்.

Election bannerElection banner
அடுத்த கட்டுரைக்கு