Published:Updated:

இந்தியாவுக்கு சவாலான அணிகள் எவை? #FIFAU17WC #BackTheBlue

ஒட்டுமொத்த விகடனுக்கும் ஒரே ஷார்ட்கட்

Use App
இந்தியாவுக்கு சவாலான அணிகள் எவை? #FIFAU17WC #BackTheBlue
இந்தியாவுக்கு சவாலான அணிகள் எவை? #FIFAU17WC #BackTheBlue

இந்தியாவுக்கு சவாலான அணிகள் எவை? #FIFAU17WC #BackTheBlue

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

விரைவில் ஆரம்பமாக இருக்கிறது உலகக்கோப்பை கால்பந்து திருவிழா. இரண்டு வருடங்களுக்கு ஒருமுறை நடைபெறும் இந்தத் தொடர் கால்பந்து உலகக்கோப்பையின் 17 வயதுக்குட்பட்டோருக்கான வெர்ஷன். இந்தத் தொடர் நடைபெறப்போவது நம் நாட்டில். கூடுதல் மகிழ்ச்சி என்னவென்றால், இந்தத் தொடரில் கலந்துகொள்ளப்போகும் அணிகளில் இந்திய அணியும் ஒன்று. மொத்தம் 24 நாடுகள் இந்தத் தொடரில் கலந்துகொள்ளப்போகின்றன. அவற்றுள் `A' மற்றும் `B' பிரிவில் இடம்பெற்றுள்ள அணிகளைப் பற்றிய குட்டி அலசல்...

GROPU - A

இந்தியா

தொடரை நடத்தும் நாடு என்ற முறையில் முதல்முறையாக இந்த உலகக்கோப்பைப் போட்டித் தொடரில் இந்திய அணி கலந்துகொள்கிறது. தெற்காசிய கால்பந்து கூட்டமைப்பு நடத்திய 16 வயதுக்குட்பட்டோருக்கான ஆசியக்கோப்பைத் தொடரை இருமுறை வென்றுள்ள இந்திய அணி, 17 வயதுக்குட்பட்டோருக்கான தொடரில் கலந்துகொள்வது இதுவே முதல்முறை. இந்தத் தொடரில் முத்திரை பதித்து கால்பந்து வரலாற்றில் தன் பெயர் பதிக்கக் காத்திருக்கிறது இந்திய அணி. அணியின் தலைமைப் பயிற்சியாளர் - போர்ச்சுக்கல் நாட்டைச் சேர்ந்த லுயிஸ் நார்டன் டி மடோஸ். இந்திய அணியின் கேப்டனாக மணிப்பூரைச் சேர்ந்த அமர்ஜித் சிங் கியாம் செயல்படப்போகிறார். ஸ்ட்ரைக்கர் அனிகேட் ஜாதவ், அட்டாக்கிங் மிட் ஃபீல்டர் கோமல் தடால் மற்றும் டெட் பால் ஸ்பெஷலிஸ்ட் சஞ்சீவ் ஸ்டாலின் ஆகியோர் இந்தியாவின் கீ பிளேயர்கள்.

அமெரிக்கா

ஜான் ஹேக்வொர்த் என்பவர்தான் அமெரிக்காவின் பயிற்சியாளர். வடக்கு, மத்திய அமெரிக்கா மற்றும் கரீபியன் கால்பந்து கூட்டமைப்பின் 2017 அண்டர் 17  சாம்பியன்ஷிப்  தொடரில் ஐந்து கோல்கள் அடித்துள்ள ஜோஷ் சார்ஜெண்ட், அமெரிக்காவின் நம்பிக்கை நட்சத்திரம். அண்டர் 17 உலகக்கோப்பையில் 15 முறை பங்கேற்றபோதிலும், அவர்களால் கோப்பையை வெல்ல இயலவில்லை. அண்டர் 17 அமெரிக்க அணிக்காக, 25 போட்டிகளில் 24 கோல்கள் அடித்து அசத்தியுள்ள ஆயோ அகினோலா ஜோஷ் சார்ஜென்டோடு இணைந்து அசத்தினால் முதல்முறையாகக் கோப்பையை முத்தமிடலாம்!

கொலம்பியா

2009-ம் ஆண்டுக்குப் பிறகு கொலம்பிய அணி இப்போதுதான் இந்தத் தொடரில் பங்கேற்கிறது. ஸ்ட்ரைக்கர் ஜமிண்டன் கேம்பாஸின் தலைமையில் முத்திரை பதிக்கக் காத்திருக்கிறார்கள் அந்த அணியின் இளம் புயல்கள். க்ரியேட்டிவ் மிட் ஃபீல்டரான ஆண்ட்ரஸ் மொஸ்க்வேராவும் புயல் வேக ஸ்டீவன் வெகாவும் மற்ற அணிகளுக்கு மாபெரும் அச்சுறுத்தலாக விளங்குவர். இதுவரை ஐந்து முறை அண்டர் 17 உலகக்கோப்பைத் தொடரில் பங்கேற்றுள்ள கொலம்பியா, கோப்பையை வென்றதில்லை. தன் வாழ்க்கையில் தொழில்முறை கால்பந்து விளையாடிய அனுபவம் இல்லாத ஆர்லாண்டோ ரெஸ்ட்ரெப்போதான் கொலம்பியா அணியின் பயிற்சியாளர்.

கானா

கானா அணி மிகவும் இளம் வீரர்கள் நிறைந்த அணி. இந்த அணியின் பயிற்சியாளர் - பா க்வசி ஃபாபின். தன் நாட்டவரையே பயிற்சியாளராக நியமித்துள்ளது கானா. எரிக் அயியா அணியின் கேப்டனாகத் தேர்ந்தெடுக்கப்பட்டுள்ளார். கானா அணி 1991-ம் ஆண்டிலிருந்து 1997 வரை தொடர்ச்சியாக நான்கு முறை அண்டர் 17 உலகக்கோப்பை இறுதிப்போட்டிக்கு முன்னேறியுள்ளது. அதில் இரண்டு முறை கோப்பையை வென்றுள்ளது. இரண்டு முறை ஆப்பிரிக்க கால்பந்து கூட்டமைப்பின்  ‘கப் ஆஃப் நேஷன்ஸ்' தொடரையும் வென்று அசத்தியுள்ளது கானா.

GROUP - B

பாராகுவே

முன்னாள் பாராகுவே மிட் ஃபீல்டரான கஸ்டவோ மொரினிகொதான் பாராகுவே அணியின் பயிற்சியாளர். பிரேசில் மற்றும் சிலி அணிகளுக்கு எதிராக கோல் அடித்து அசத்திய மார்டின் சாஞ்செஸ், ராபெர்டோ ஃபெர்னாண்டஸ் மற்றும் ஃபெர்னாண்டோ ரோமெரோ ஆகியோர் பாராகுவே அணியின் கீ பிளேயர்கள். இதுவரை மூன்று முறை அண்டர் 17 உலகக்கோப்பைத் தொடரில் விளையாடியுள்ள பாராகுவே அணி, ஒருமுறை மட்டும் கால் இறுதிக்குத் தகுதிபெற்றது.

 மாலி

ஆப்பிரிக்கன் `கப் ஆஃப் நேஷன்ஸ்' தொடரைத் தொடர்ந்து, இரண்டாவது முறையாகக் கைப்பற்றிய தெம்போடு இந்தியாவில் இறங்கியுள்ளனர் மாலி வீரர்கள்.  இதுவரை நான்கு முறை அண்டர் 17 உலகக்கோப்பைத் தொடரில் பங்கேற்றுள்ள மாலி, 2015-ம் ஆண்டு இரண்டாம் இடத்தைப் பிடித்தது. இறுதிப்போட்டியில் நைஜீரியாவிடம் 2 - 0 எனத் தோற்க, பதக்க வாய்ப்பு பறிபோனது. ஜோனஸ் கொகூ கொம்லாவின் பயிற்சியின்கீழ் இந்த முறை எப்படியும் கோப்பையை வென்றுவிடுவது எனத் தீவிரமாகப் பயிற்சி எடுத்துவருகின்றனர் மாலி வீரர்கள்.

நியூசிலாந்து

ஏழு முறை அண்டர் 17 உலகக்கோப்பையில் பங்கேற்றுள்ள நியூசிலாந்து அணி,  ஒரு முறைகூட இரண்டாம் சுற்றைக் கடந்ததில்லை. அந்தக் குறையைப் போக்க, நியூசிலாந்து சீனியர் அணியின் முன்னாள் டிஃபண்டர் டேனி ஹே,17 வயதுக்குட்பட்ட நியூசிலாந்து அணியின் பயிற்சியாளராக நியமிக்கப்பட்டுள்ளார். அணியின் கேப்டன் கிளாய்டன் லீவிஸ். ஒசெனியா கால்பந்து கூட்டமைப்பால் நடத்தப்பட்ட அண்டர் 17 சாம்பியன்ஷிப் தொடரில் ஐந்து போட்டிகளில் ஏழு கோல்கள் அடித்த சார்லஸ் ஸ்ப்ராக் கவனிக்கப்படவேண்டிய வீரர். 

துருக்கி

பல்கேரியா நாட்டைச் சேர்ந்த மெஹ்மெட் ஹசியோக்லுவின் பயிற்சியின்கீழ் இந்தத் தொடரில் கலந்துகொள்கிறது துருக்கி அணி. இவர் 2014- ம் ஆண்டிலிருந்தே துருக்கி அண்டர் 17 அணியின் பயிற்சியாளராக இருக்கிறார். ஸ்ட்ரைக்கர் மாலிக் கராஹ்மெத்தான் துருக்கியின் நம்பிக்கை. அண்டர் 17 உலகக்கோப்பையில் மூன்றாவது முறையாக பங்கேற்கவுள்ள துருக்கி அணி, 2005-ம் ஆண்டு நான்காவது இடத்தைப் பிடித்தது. அதுவே அந்த அணியின் சிறந்த செயல்பாடு.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு