டெல்லி மற்றும் ஹைதரபாத் அணிகளுக்கிடையேயான போட்டி நேற்று நடந்திருந்தது. அது ஒரு சுமாரான போட்டி. போட்டியில் ஹைலைட் எனச் சொல்லிக்கொள்ள பெரிதாக எந்த விஷயமும் இல்லாத போட்டி. ஆனால், அந்தப் போட்டி முடிந்த பிறகு டெல்லி அணியின் கேப்டன் டேவிட் வார்னர் கொண்டாட்டத்தில் ஈடுபட்ட விதம் கவனிக்க வேண்டியதாக இருந்தது. வார்னரின் கொண்டாட்டத்தில் அத்தனை ஆக்ரோஷம் இருந்தது. பெரும் கோபத்தின் வெளிப்பாடாகத்தான் அந்தக் கொண்டாட்டம் தெரிந்தது. அவரின் அந்தக் கோபத்திற்கான பின்னணிதான் என்ன?

சன்ரைசர்ஸூக்கும் வார்னருக்கும் இடையேயான பந்தத்தை அறிய ஏறக்குறைய 10 ஆண்டுகளுக்கு முன்பு வரை பயணிக்க வேண்டும்.

எதிர்பார்ப்புகளுக்கெல்லாம் ஏற்ப வார்னரும் சன்ரைசர்ஸ் அணிக்காக மிரட்டலான பெர்ஃபார்மென்ஸ்களைக் கொடுத்தார். 2015-ம் ஆண்டில் சன்ரைசர்ஸ் அணியின் கேப்டனாகவும் ஆக்கப்பட்டார். அந்த 2015 சீசனில் 562 ரன்களை 156 ஸ்ட்ரைக் ரேட்டில் குவித்து ஆரஞ்சு தொப்பியையும் வென்றிருந்தார். ஆனால், அந்த சீசனில் சன்ரைசர்ஸ் அணி அவ்வளவாக சாதிக்கவில்லை. 14 போட்டிகளில் 7 இல் வென்று நூலிழையில் ப்ளே ஆப்ஸ் வாய்ப்பைத் தவறவிட்டது. அடுத்த சீசன் கொஞ்சம் வித்தியாசமாக அமைந்தது.

ஆனால், இதன்பிறகான காலகட்டங்கள் வார்னருக்கு அத்தனை எளிதானதாக அமையவில்லை. 'Ball Tampering' பிரச்னையில் சிக்கி தடைபெற்று அவதியுற்றார். தடையையெல்லாம் முடிந்தபிறகு 2019 சீசனில் மீண்டும் சன்ரைசர்ஸ் அணிக்கு வந்தார். எங்கே விட்டுவிட்டு சென்றாரோ அதே இடத்திலிருந்து தொடங்கியதை போல 2019 சீசனிலும் அந்த ஆரஞ்சு தொப்பியை வென்று அசத்தினார். ஆனால், இந்த முறை அணிக்கு கேப்டன் கேன் வில்லியம்சன். வார்னர் தன்னை மீண்டும் நிரூபித்துவிட 2020 சீசனுக்காக சன்ரைசர்ஸ் அணிக்கான கேப்டனாக வார்னர் பொறுப்பேற்றுக் கொண்டார். இந்த சீசனில் சன்ரைசர்ஸ் அணி ப்ளே ஆப்ஸ் வரை முன்னேறியிருந்தது. சன்ரைசர்ஸ் அணியில் அதிக ரன்கள் அடித்த வீரராக வார்னரே இருந்தார். மோசமான காலகட்டத்திலிருந்து மீண்டு வந்தவரை மீண்டும் ஒரு அணிக்கு கேப்டனாக்கியதால் சன்ரைசர்ஸ் நிர்வாகத்தின் மீதுமே ரசிகர்களுக்கு பெரிய மரியாதை எழுந்தது. இந்தச் சமயத்தில்தான் ஹைதரபாத் ரசிகர்களுடனும் டேவிட் வார்னர் அதிகமாக ஒன்றிப்போக ஆரம்பித்தார்.

2021 சீசன் ஒட்டுமொத்த சன்ரைசர்ஸ் அணிக்குமே மோசமானதாக அமைந்திருந்தது. ஆடிய 14 போட்டிகளில் வெறும் 3 போட்டிகளில் மட்டுமே அவர்கள் வென்றிருந்தனர். வார்னரும் ஃபார்மிலேயே இல்லை. வார்னர் ஃபார்மில் இல்லாதது சன்ரைசர்ஸின் சொதப்புலுக்கு ஒரு முக்கிய காரணம். ஆனால், அதுமட்டுமே அவர்களின் தோல்விக்குக் காரணமில்லை. மோசமான அணிக்கட்டமைப்பு, அனுபவமின்மை, பொறுப்பேற்று ஆடாத இளம் வீரர்கள் என எக்கச்சக்க காரணங்கள் இருந்தன.

ஆனால், சன்ரைசர்ஸ் அணி நிர்வாகம் வார்னரை மட்டும்தான் பிரச்னையாக பார்த்தது. இத்தனைக்கும் வார்னர் அணியின் பிரச்னை என்ன என்பதை கண்டறிந்து அதை சரி செய்யும் வேலையில் இறங்கிவிட்டார். டாப் 3 வலுவாக இருக்கிறது, அதன்பிறகு அனுபவமற்ற மிடில் ஆர்டர் இருக்கிறது. இதுதான் பிரச்னையா, எனில் நானே மிடில் ஆர்டரில் இறங்குகிறேன் என முடிவெடுத்து ஓப்பனரான வார்னர், நம்பர் 4, நம்பர் 5-ல் இறங்க ஆரம்பித்தார். தனக்கு தோதுவான இடத்தை விட்டுவிட்டு சௌகரியமற்ற ஒரு இடத்தில் அவர் இறங்கினார். இது ஆஸ்திரேலிய அணிக்காக கூட வார்னர் செய்யாதது. இப்படி அணிக்காக எதையும் செய்யத் தயாராக இருந்த வார்னரை சன்ரைசர்ஸ் நிர்வாகம் கேப்டன் பதவியிலிருந்து நீக்கியது. அதோடு நில்லாமல் ப்ளேயிங் லெவனிலிருந்தும் தூக்கப்பட்டார்.

கொரோனா கட்டுப்பாடுகளைக் காரணம் காட்டி வார்னரை ட்ரெஸ்ஸிங் ரூமிற்கே வரவிடாமல் செய்தது. அப்போதும் வார்னர் விடவில்லை.

சூப்பர் ஸ்டார் என அணிக்குள் அழைத்து வந்தவரை எப்படியெல்லாம் நடத்தக்கூடாதோ அப்படியெல்லாம் நடத்தி அணியை விட்டு வெளியேற்றியது சன்ரைசர்ஸ் அணி நிர்வாகம். அதன்பிறகுதான், அப்படியே டெல்லிக்கு வந்து இப்போது கேப்டனும் ஆகி சன்ரைசர்ஸ் அணியின் சொந்த மைதானத்தில் வைத்தே அவர்களை வீழ்த்தியிருக்கிறார். வார்னரின் ஆக்ரோஷமான கொண்டாட்டத்திற்குப் பின்னால் இருக்கும் கதை இதுதான். வார்னர் அத்தனை கோபத்தை வெளிப்படுத்தியிருக்கிறார். ஆனால், அது எதுவுமே ஹைதரபாத்தில் கூடியிருந்த அந்த ரசிகர்களுக்கு எதிரானது அல்ல.