Published:Updated:

கோலி நிரூபிக்க வேண்டிய நேரமிது!

கோலி
பிரீமியம் ஸ்டோரி
கோலி

2021 ஜனவரியில் தங்களுக்குக் குழந்தை பிறக்கப்போகிறது என்று விருஷ்கா தம்பதி அறிவித்தவுடனேயே ஆஸ்திரேலிய மீடியா அலறத் தொடங்கியது.

கோலி நிரூபிக்க வேண்டிய நேரமிது!

2021 ஜனவரியில் தங்களுக்குக் குழந்தை பிறக்கப்போகிறது என்று விருஷ்கா தம்பதி அறிவித்தவுடனேயே ஆஸ்திரேலிய மீடியா அலறத் தொடங்கியது.

Published:Updated:
கோலி
பிரீமியம் ஸ்டோரி
கோலி
பெரும் எதிர்பார்ப்புக்கு மத்தியில் இந்தியா - ஆஸ்திரேலியா தொடர் தொடங்கப்போகிறது. ரோஹித் காயம், கோலி விடுப்பு, பகல் இரவு டெஸ்ட் என எதிர்பார்ப்பு பல மடங்கு எகிறியிருக்கிறது.

இந்தச் சுற்றுப்பயணத்துக்கான இந்திய அணி அறிவிக்கப்பட்டபோது கூடவே ஒரு மிகப்பெரிய செய்தியும் வந்தது. முதல் டெஸ்டுக்குப் பிறகு இந்திய கேப்டன் கோலி நாடு திரும்பிவிடுவார் என்று. இந்தச் செய்தியால் இந்திய ஊடகங்களைவிட ஆஸ்திரேலிய ஊடகங்கள்தான் அதிகம் புலம்பின. இந்த டெஸ்ட் தொடரின் முக்கியத்துவம் குறைந்துவிடும் என்று அஞ்சின. நம் மக்களோ “இந்த ஆஸ்திரேலிய மீடியா என்ன கோலிய ரொம்பவே கொண் டாடுது” என்று யோசிக்கத் தொடங்கினர். ஆனால், உண்மை என்ன வெனில், மூன்று மாதங்களுக்கு முன்பே ஆஸ்திரேலிய ஊடகங்கள் இதுபற்றிப் பேசத் தொடங்கி விட்டன.

கோலி
கோலி

2021 ஜனவரியில் தங்களுக்குக் குழந்தை பிறக்கப்போகிறது என்று விருஷ்கா தம்பதி அறிவித்தவுடனேயே ஆஸ்திரேலிய மீடியா அலறத் தொடங்கியது. டி-20 உலகக் கோப்பை கைவிட்டுப் போயிருக்கும் நிலையில், கிரிக்கெட் உலகில் அதிக மார்க் கெட்டிங் மதிப்பு கொண்ட ஒரு வீரர் அந்த மண்ணில் விளையாடாதது ஆஸ்திரேலிய கிரிக்கெட்டுக்கு நிச்சயம் பெரிய இழப்பு.

இருந்தாலும் மொத்த எதிர்பார்ப்பும் டெஸ்ட் தொடரின் மீதுதான் இருக்கிறது. டெஸ்ட் தொடர் பேசப்படுவதில் பாதி அளவுக்குக்கூட ஒருநாள், டி-20 தொடர்கள் பேசப் படவில்லை. கோலி ஆடும் அந்த ஒற்றை டெஸ்ட் போட்டி யின்மீது உச்சக்கட்ட மீடியா வெளிச்சம் பரவியிருக்கிறது. ஆனால், கோலியின் மீதும் இந்திய அணியின் மீதும் அதிக நெருக்கடியை ஏற்படுத்தப் போவது ஒருநாள் மற்றும் டி-20 தொடர்கள்தான்.

ஸ்டீவ் ஸ்மித், வார்னர் வந்துவிட்ட பிறகு ஆஸ்திரேலியாவின் கை சொந்த மண்ணில் பல மடங்கு ஓங்கிவிடும். அந்த அணிக்கு எதிராக கோலி இல்லாத இந்திய அணிக்கு நிறைய எக்ஸ்க்யூஸ் இருக்கிறது. இந்திய பௌலிங் படை மீது இருக்கும் நம்பிக்கை நிச்சயம் இந்திய பேட்ஸ்மேன்கள்மீது யாருக்கும் இருக்கப்போவதில்லை. ஒருநாள், டி-20 தொடர்களை எந்தக் காயமும் இல்லாமல் அனைவரும் கடந்தாலும், தொடரை வெல்லவேண்டும் என்ற நெருக்கடி இருக்கப்போவதில்லை. இந்த டெஸ்ட் தொடர் பழைய இந்திய ரசிகர்களின் மனநிலையைத்தான் பிரதிபலிக்கும். ஆஸ்திரேலிய மண்ணில் டீசன்ட்டான செயல்பாடு - தேவை அதுவே!

சரி கோலி ஆடும் முதல் டெஸ்ட் போட்டியில் அந்த நெருக்கடி இருக்குமா எனில், அதுவும் இல்லை. எதிர்பார்ப்புகள் அதிகம் இருக்கும். ஆனால், விமர்சனங்களுக்கு இடமிருக்காது. காரணம், அது ஆடப்படுவது பிங்க் நிறப் பந்தில். இந்திய அணியின் இரண்டாவது பகல் - இரவு டெஸ்ட் அதுதான். முதல் போட்டி சொந்த மண்ணில் வங்கதேசத்துக்கு எதிராக இரண்டரை நாள்களுக்கு வெறும் 160 ஓவர்கள் மட்டும் ஆடியது. அதனால், நிச்சயம் அதை மிகச்சிறந்த அனுபவமாக எடுத்துக்கொள்ள முடியாது. பிங்க் பந்தில் இந்தியா சந்திக்கப்போகும் முதல் பெரிய சவால் அது. இதுவரை அதிக பகல் - இரவு ஆட்டங்களில் (7) ஆடியிருக்கும் ஒரு அணியிடம் இந்தியா மோதும்போது நிச்சயம் அங்கும் வெற்றி பிராதனப்படுத்தப்படாது.

ஒருநாள், டி-20 தொடர்களில் சிறப்பாகச் செயல்படும்பட்சத்தில் நிச்சயம் டெஸ்ட் தொடரில் இந்திய அணியை விமர்சனங்கள் தொடரப்போவதில்லை. ஆனால், ஷார்ட்டர் பார்மட்டில் கோலியும் அவரது அணியினரும் நெருக்கடியைச் சந்திக்கப்போகின்றனர். அனைவரையும் விடப் பல மடங்கு நெருக்கடியை உணரப்போகிறார் விராட்.

கோலி நிரூபிக்க வேண்டிய நேரமிது!

ஒரு ரேஸில் முதலாவது ஓடும் வீரர் எப்போதும் உசேன் போல்ட் போல் ஜஸ்ட் லைக் தட் ஓடிவிட மாட்டார். தனக்கடுத்து இரண்டாவதாக வரும் நபர் சிறப்பாக வருகிறார் என்பதை அறியும்போது அவருக்கு ஏற்படும் நெருக்கடி இதயத் துடிப்பைப் பல மடங்கு அதிகரித்துவிடும். தான் வெற்றிபெறுவோம் என்ற நம்பிக்கை இருந்தாலும், இரண்டாவதாக வருபவரால் தன்னை முந்த முடியாது என்று உறுதியாகத் தெரிந்தாலும், முதலில் இருப்பவருக்குச் சவால் விடும் அந்த இரண்டாவது வீரனுக்குக் கரகோஷம் எழுப்பும் அரங்கத்தின் ஓசை, அந்த வீரரைப் படுத்தி எடுத்துவிடும். ஓட்டப்பந்தயத்தில் மட்டுமல்ல; எல்லா விஷயங்களிலும்தான்.

கோலி, அப்படியான நெருக்கடியை அனுபவிக்கப்போகிறார். 13 ஆண்டுகளாக ஐ.பி.எல் கோப்பை வசப்படவில்லை. ஆனால், இந்திய அணியின் துணைக் கேப்டனாக ரோஹித் 5 ஐ.பி.எல் கோப்பைகள் வென்றுவிட்டார். ஐ.பி.எல் தொடரை சர்வதேசப் போட்டிகளோடு ஒப்பிடக்கூடாது. ஆனால், இந்த ஐ.பி.எல் தொடருக்குப் பிறகு அந்த லாஜிக் எல்லாம் செல்லுபடி ஆகும் என்று தெரியவில்லை. பல்வேறு முன்னாள் வீரர்கள் இந்திய ஷார்ட் பார்மட் டீமுக்கு ரோஹித் கேப்டனாக வேண்டும் என்று குரல்கொடுக்கத் தொடங்கிவிட்டனர். டி-20 உலகக் கோப்பை வருவதால், அந்தக் குரல்கள் இன்னும் வலுப்பெறவே போகின்றன.

கோலி கேப்டன் பதவியிலிருந்து விலகப்போவதில்லை. இந்திய அணியின் தேர்வுக் குழுவும் அவரை அந்தப் பதவியிலிருந்து நீக்கப்போவதில்லை. இருந்தாலும், கோலியைத் துரத்தும் கேள்விகள், அவர் தன்னை நிரூபித்தாகவேண்டிய நெருக்கடியை ஏற்படுத்தியிருக்கின்றன. கேப்டனாகத் தனக்குக் கிடைக்கும் வாய்ப்புகளிலெல்லாம் ரோஹித் ஸ்கோர் செய்துகொண்டே இருப்பதே, அவரை ஆசுவாசமாக இருக்கவிடாது.

சாதாரணமாகவே கோலியின் முடிவுகள் பல வகைகளில் விவாதத்தை ஏற்படுத்தும். இப்போது ஒருநாள் தொடருக்கு ரோஹித் இல்லை. அவரது இடத்தில் கோலி எடுக்கும் முடிவு சாதகமாக இல்லையெனில் சிக்கல். மிடில் ஆர்டரில் சரியான வீரர்களைப் பயன்படுத்தாவிட்டால் சிக்கல். கடந்த சில தொடர்களில் மிடில் ஆர்டரில் செட் ஆகியிருக்கும் கே.எல்.ராகுலை எங்கு பயன்படுத்தப்போகிறார் என்பது மாபெரும் விவாதத்துக்கு வழிவகுக்கும். டி-20 டீம் செலக்‌ஷன் விமர்சனத்துக்குள்ளாகும். அவரது பேட்டிங் தேர்வுகள் நல்ல முடிவுகளைக் கொடுக்காவிட்டால் சூர்யகுமார் யாதவ் பெயர் அடிபடத் தொடங்கும். ஏதாவது ஒரு வீரர் சொதப்பினாலும், நம் மும்பை டீம் அபிமானிகள் ட்விட்டரில் போராடத் தொடங்கிவிடுவார்கள். அணித்தேர்வே கேள்விக்குள்ளாகும். அதனால், கோலியின் ஒவ்வொரு அசைவும் அளக்கப்படும்.

கோலியின் கேப்டன்சி மட்டுமல்ல, அவரது பேட்டிங்குமே மைக்ரோஸ்கோப் கொண்டுதான் பார்க்கப்படும். இந்த ஐ.பி.எல் தொடரில் 400+ ரன்கள் அடித்திருந்தாலும், அவர் தன் இன்னிங்ஸைக் கட்டமைத்த விதம் விமர்சனத்துக்குள்ளானது. பல போட்டிகளில் மிடில் ஓவர்களில் தடுமாறினார். ஒரு பௌண்டரி அடிக்கவே திணறினார். அது துபாய் என்றாலும், சமீபத்திய சர்வதேசப் போட்டிகளிலுமே அவரது செயல்பாடு முன்பைப் போல் இல்லை. அதனால், பேட்ஸ்மேன் கோலியின் மீதும் விமர்சனக் கனல்கள் இம்முறை தொடுக்கப்படலாம். கடந்த முறை இங்கிலாந்து சென்றபோது அவர்மீது பெரும் எதிர்பார்ப்பு இருந்தது. அதற்கு இணையான எதிர்பார்ப்பும், அதைவிட அதிக நெருக்கடியும் இந்தத் தொடரில் இருக்கப்போகிறது.