Election bannerElection banner
Published:Updated:

திறக்கப்படும் சேப்பாக்கம்... அதிகபட்ச டிக்கெட் விலையே 200 ரூபாய்தான்... ஏன்? #INDvENG

சேப்பாக்கம் - கோலி
சேப்பாக்கம் - கோலி

2012-ம் ஆண்டு இந்தியா - பாகிஸ்தான் ஒருநாள் போட்டிக்குப்பிறகு மூடப்பட்ட I,J,K ஸ்டாண்டுகள் 8 ஆண்டுகளுக்குபிறகு முதல்முறையாக இந்தியா - இங்கிலாந்து போட்டிக்குத் திறக்கப்படுகிறது.

சென்னை சேப்பாக்கத்தில் பிப்ரவரி 13 முதல் நடைபெற இருக்கும் இந்தியா - இங்கிலாந்து இரண்டாவது டெஸ்ட் போட்டிக்கான டிக்கெட் விற்பனை நாளை தொடங்குகிறது.

கொரோனா காரணமாக, பார்வையாளர்கள் அனுமதி இல்லாமல் முதல் டெஸ்ட் போட்டி தற்போது சென்னை சேப்பாக்கத்தில் நடைபெற்றுவருகிறது. ஆனால், இரண்டாவது டெஸ்ட்டுக்கு 50 சதவிகித பார்வையாளர்களை அனுமதிக்கும் முடிவை பிசிசிஐ, இங்கிலாந்து கிரிக்கெட் போர்டோடு கலந்தாலோசித்து கடந்த வாரம் அறிவித்தது. இதன்படி இரண்டாவது டெஸ்ட்டுக்கான டிக்கெட் விற்பனை நாளை காலை 10 மணி முதல் தொடங்குகிறது.

http://www.paytm.com மற்றும் http://www.insider.in இணையதளங்கள் வழியாக டிக்கெட்டை புக் செய்யலாம். இந்தமுறை நேரடியாக வந்து டிக்கெட் வாங்க கவுன்ட்டர்கள் கிடையாது. ஆனால், ஆன்லைனில் புக் செய்த எண்ணைக்காட்டி சேப்பாக்கம் ஸ்டேடியத்தில் டிக்கெட் பெற வேண்டும். இதற்கான கவுன்ட்டர் சேப்பாக்கம் ஸ்டேடியத்தில் விக்டோரியா ஹால் சாலையில் உள்ள 3-ம் எண் பூத்தில் செயல்படும். 11-ம் தேதி காலை 10 மணி முதல் மேட்ச் நடைபெறும் நாட்கள் வரை இந்த கவுன்ட்டர் திறந்திருக்கும்.

2012-ம் ஆண்டு இந்தியா - பாகிஸ்தான் ஒருநாள் போட்டிக்குப்பிறகு சென்னை மாநகராட்சியால் மூடப்பட்ட I,J,K ஸ்டாண்டுகள் 8 ஆண்டுகளுக்குபிறகு முதல்முறையாக இந்தியா - இங்கிலாந்து போட்டிக்குத் திறக்கப்படுகிறது.

சேப்பாக்கம் ஸ்டேடியம்
சேப்பாக்கம் ஸ்டேடியம்

C,D,E லோயர் ஸ்டாண்டுகளுக்கான டிக்கெட் விலை 100 ரூபாயாகவும், D,E அப்பர், F,H,I,J,K லோயர் ஸ்டாண்டுக்கான விலை 150 ரூபாயாகவும், I,J,K அப்பர் ஸ்டாண்டுக்கான விலை 200 ரூபாயாகவும் நிர்ணயிக்கப்பட்டுள்ளது. ஆயிரங்களில் விற்பனை செய்யப்படும் பெவிலியன் ஸ்டாண்டு உள்பட ஏசி பாக்ஸ் சீட்டுகள் இந்த டெஸ்டுக்கு இல்லை. அதனால்தான் டிக்கெட்களின் அதிகபட்ச விலையே 200 ரூபாயாக அறிவிக்கப்பட்டுள்ளது. மொத்தம் 15,000 டிக்கெட்டுகள் இணையதளம் மூலம் விற்கப்படும் எனத்தெரிகிறது.

ஸ்டேடியத்திற்குள் நுழையும் பார்வையாளர்கள் அனைவரும் கட்டாயம் மாஸ்க் அணிந்திருக்கவேண்டும் என அறிவுறத்தப்பட்டுள்ளது.

Election bannerElection banner
அடுத்த கட்டுரைக்கு