Published:Updated:

Babar Azam: அது `Fab Four’ அல்ல... `Fab Five’ - இங்கிலாந்திலும் மிரட்டும் பாபர் ஆசம்!

பாபர் ஆசம்
பாபர் ஆசம் ( AP )

கிரிக்கெட் உலகின் முக்கிய வர்ணனையாளர்களில் ஒருவர் இங்கிலாந்து அணியின் முன்னாள் கேப்டன் நாசர் ஹுசைன். இங்கிலாந்து மண்ணில் பாபர் ஆசமின் ஆட்டத்தை, அவர் மிகவும் பாராட்டி இருக்கிறார்.

மீண்டும் கிரிக்கெட்!

கொரோனா காரணமாக நிறுத்தப்பட்டு இருந்த விளையாட்டுப் போட்டிகள் தற்போது கொஞ்சம் கொஞ்சமாகத் தொடங்கப்பட்டு வருகின்றன. கிரிக்கெட் போட்டிகளைப் பொறுத்தவரை முதன்முதலில் இங்கிலாந்துதான் சர்வதேசப் போட்டிகளை நடத்தியது. வெஸ்ட் இண்டீஸ் அணிக்கு எதிரான தொடர் முடிந்த பின்னர், அயர்லாந்து அணிக்கு எதிராகக் குறுகிய காலத் தொடரில் விளையாடியது. தற்போது பாகிஸ்தான் அணி இங்கிலாந்தில் சுற்றுப்பயணம் மேற்கொண்டு விளையாடி வருகிறது.

பாபர் ஆசம்
பாபர் ஆசம்
AP

இவ்விரு அணிகளுக்கு இடையிலான முதல் டெஸ்ட் போட்டி நேற்று தொடங்கியது. இதில், டாஸ் வென்ற பாகிஸ்தான் அணி முதலில் பேட்டிங்கை தேர்வு செய்தது. மழையால் தாமதமாக தொடங்கிய முதல் நாள் ஆட்ட நேர முடிவில் பாகிஸ்தான் அணி 49 ஓவர்களில் 2 விக்கெட்டுகள் இழப்புக்கு 139 ரன்கள் எடுத்து இருந்தது. கேப்டன் அசார் அலி டக் அவுட் ஆக, அடுத்து களமிறங்கிய பாபர் ஆசம், நிலையான ஆட்டத்தை வெளிப்படுத்தினார். 100 பந்துகளில் 11 பவுண்டரிகளின் உதவியுடன் 69 ரன்கள் எடுத்து ஆட்டமிழக்காமல் களத்தில் இருக்கிறார் ஆசம்.

கடந்த 5 போட்டிகளில் இது அவருக்கு 5-வது அரை சதம், இதில் மூன்று முறை சதமடித்தும் அசத்தி இருக்கிறார் பாபர் ஆசம். இன்றைய ஆட்டத்தில் சிறப்பான ஆட்டத்தைத் தொடரும்பட்சத்தில் மீண்டும் ஒரு சதத்தை பதிவு செய்யலாம். பாபர் ஆசம்தான் தற்போது ஸ்போர்ட்ஸ் உலகின் டாக் ஸ்டார்(Talk Star). காரணம், அனுபவமிக்க ஆண்டர்சன், பிராட் கூட்டணி, மிரட்டும் ஆர்ச்சர், வோக்ஸ் கூட்டணிகளை எதிர்கொண்டு அவர் ஆடிய ஷாட்கள் கிரிக்கெட் உலகில் அவரை பேசும்படி செய்திருக்கிறது.

பாபர் ஆசம்
பாபர் ஆசம்
AP

தற்போதைய கிரிக்கெட் உலகின் முக்கிய வர்ணனையாளர்களில் ஒருவர் இங்கிலாந்து அணியின் முன்னாள் கேப்டன் நாசர் ஹுசைன். இங்கிலாந்து மண்ணில் பாபர் ஆசமின் ஆட்டத்தை அவர் மிகவும் பாராட்டி இருக்கிறார். ``இந்த ஆட்டத்தை ஆடியது இந்திய கேப்டன் கோலியாக இருந்தால் அனைவரும் பேசி இருப்பார்கள். ஆனால், ஆடியவர் பாபர் ஆசம் என்பதால் யாரும் பேசவில்லை. பாபர் ஆசம், இளம் வீரர்; சிறப்பாக ஆடுகிறார். கிரிக்கெட் உலகில் Fab Four எனக் கோலி, ஸ்மித், வில்லியம்சன் மற்று ரூட் ஆகியோரைச் சொல்கிறார்கள். ஆனால், அது Fab Four அல்ல... Fab five. ஐந்தாவது வீரர் பாபர் ஆசம்” என்றார். பாபர் ஆசம் பலமுறை இந்திய கேப்டன் விராட் கோலியுடன் ஒப்பிடப்பட்டுள்ளார் என்பது குறிப்பிடத்தக்கது.

பாபர் ஆசம் - இந்திய பௌலர்களுக்குக் காத்திருக்கும் மிகப்பெரிய சவால் #INDvPAK
அடுத்த கட்டுரைக்கு