Published:Updated:

WC: பான்டிங் அபார சதம்... இந்தியாவுக்கு 261 ரன்கள் இலக்கு!

அகமதாபாத், மார்ச் 24,2011

இந்தியாவுக்கு எதிரான உலக கோப்பை காலிறுதிப் போட்டியில் 261 ரன்கள் என்ற வெற்றி இலக்கை நிர்ணயித்துள்ளது ஆஸ்திரேலிய அணி. ##~~##

அகமதாபாத்தில் நடைபெற்று வரும் இப்போட்டியில் டாஸ் வென்று முதலில் பேட் செய்த ஆஸ்திரேலிய அணி 50 ஓவர்களில் 6 விக்கெட் இழப்புக்கு 260 ரன்கள் குவித்தது.

அந்த அணியின் துவக்க ஆட்டக்காரர் வாட்சன் 25 ரன்களையும், ஹதீன் 53 ரன்களையும் எடுத்தனர்.

பின்னர் களமிறங்கிய கேப்டன் பான்டிங் அபாரமாக பேட் செய்து சதமடித்து, ஆஸ்திரேலிய அணியின் ரன் எண்ணிக்கையை வெகுவாக உயர்த்தினார். 104 ரன்கள் குவித்த அவர், அஸ்வின் பந்துவீச்சில் ஜாகீர் கானிடம் கேட்ச் தந்து அவுட்டானார்.

மைக்கேல் கிளார்க் 8 ரன்களிலும், ஹஸ்சி 3 ரன்களிலும் ஆட்டமிழந்தனர். ஒயிட் 12 ரன்களே எடுத்த நிலையில், பான்டிங்குக்கு உறுதுணையாக இருந்த ஹஸ்சி 38 ரன்கள் எடுத்தார். ஜான்சன் 6 ரன்கள் எடுத்தார்.

இப்போட்டியில் வெற்றி பெறும் அணி, பாகிஸ்தானை அரையிறுதியில் சந்திக்கும்.

கட்டுப்படுத்திய அஸ்வின், யுவி, ஜாகீர்...

இந்திய தரப்பில் யுவராஜ் சிங், அஸ்வின், ஜாகீர்கான், ஹர்பஜன் ஆகியோர் ஆஸ்திரேலிய அணியின் ரன் எண்ணிக்கை ஓரளவு கட்டுப்படுத்தினர்.

அஸ்வின், ஜாகீர் கான், யுவராஜ் சிங் ஆகியோர் தலா 2 விக்கெட்டுகளை வீழ்த்தினர்.

இன்றைய போட்டியில் இந்திய அணியில் யூசுப் பதானுக்கு பதில் வீரேந்திர சேவாக் களமிறக்கப்பட்டுள்ளார். 
 

அடுத்த கட்டுரைக்கு