Published:Updated:

கேப்டன்ஷிப்... நீங்க விசில் போடணும் கோலி!

கேப்டன்ஷிப்... நீங்க விசில் போடணும் கோலி!
பிரீமியம் ஸ்டோரி
கேப்டன்ஷிப்... நீங்க விசில் போடணும் கோலி!

கேப்டன்ஷிப்... நீங்க விசில் போடணும் கோலி!

கேப்டன்ஷிப்... நீங்க விசில் போடணும் கோலி!

கேப்டன்ஷிப்... நீங்க விசில் போடணும் கோலி!

Published:Updated:
கேப்டன்ஷிப்... நீங்க விசில் போடணும் கோலி!
பிரீமியம் ஸ்டோரி
கேப்டன்ஷிப்... நீங்க விசில் போடணும் கோலி!

பிஎல் கிரிக்கெட்டின் வெற்றிகரமான அணியான  சென்னை சூப்பர் கிங்ஸ் தொடர்ந்து மூன்று வெற்றிகளைப் பெற்று டேபிள் டாப்பராக  இருக்கிறது. கேப்டன் தோனி இக்கட்டான ராஜஸ்தான் ராயல்ஸுக்கு எதிராக அடித்த 75 ரன்களும், அவரது கேப்டன்ஸியும் சிஎஸ்கேவின் பலம். இன்னொருபக்கம் கோலி தலைமையிலான ராயல் சேலஞ்சர்ஸ் பெங்களூரு அணி தொடர்ந்து நான்கு தோல்விகளைப் பெற்று பாயின்ஸ் டேபிளில் கட்டக்கடைசியாக இருக்கிறது.

கேப்டன்ஷிப்... நீங்க விசில் போடணும் கோலி!

இந்திய கிரிக்கெட்டின் முன்னாள், இன்னாள் கேப்டன்கள் வழிநடத்தும் இந்த இரண்டு அணிகளுக்குள்ளும் ஏன் இவ்வளவு வேறுபாடு, தோனியிடம் இருந்து கோலி என்ன கற்றுக்கொள்ள வேண்டும்?

ஆக்ரோஷம்... அமைதி... தன்னுறுதி!

ஆக்ரோஷமாக ஆடுவது தவறல்ல. ஆனால் களத்தில் எந்நேரமும் ஆக்ரோஷமான வீரராக ஒரு கேப்டன் இருக்க முடியாது. தோனி அமைதியானவர், கூலான கேப்டன் என்று சொன்னாலும் பிடித்தப் பிடியில் உறுதியாக இருப்பார். ஒரு முடிவை எடுத்தால் அதை எப்பாடுபட்டாலும் சரியாக செய்துமுடித்துவிடவேண்டும் என்பதில் தன்னுறுதி கொண்டிருப்பார். களத்தில் பொறுப்பான முறையில் நடந்துகொள்ளும் கேப்டன் இருவரில் யார் என்பதை ஈஸியாகச் சொல்லிவிடமுடியும்.  எதிர் அணி வீரர் நன்றாக விளையாடினால் கைதட்டி வழி அனுப்பு வைப்பதுதான் சிறந்த வீரருக்கான அடையாளம். ஆனால், கோலியிடம் அதை எல்லாம் எதிர்பார்க்கமுடியவில்லை. திட்டுவது, சாபமிடுவது என அவருடைய ஆக்ரோஷத்தில் ஒரு நெகட்டிவிட்டி இருக்கிறது. ஆனால் தோனியிடம் பாசிட்டிவிட்டி இருக்கிறது. தோனியிடம் இருந்து கோலி கற்றுக்கொள்ளவேண்டிய முதல் பாடமே பாசிட்டிவிட்டிதான்.

வீரர்கள் மீதான நம்பிக்கை!

வீரர்கள் மீதான நம்பிக்கை! சரியான ப்ளேயிங் லெவனைத் தேர்ந்தெடுப்பதில்தான் ஒரு கேப்டனின் முக்கால் சதவிகித வெற்றி இருக்கிறது. சரியான வீரர்களை விளையாடும் அணிக்குள் தேர்ந்தெடுத்து, தேர்ந்தெடுத்த வீரர்களின் மேல் முழு நம்பிக்கைவைத்து, அவர்கள் சோர்வுறும்போது, நம்பிக்கை இழக்கும்போது உற்சாகப்படுத்தி எல்லோரையும் ஓர் அணியாக விளையாடவைப்பதில்தான் கேப்டனின் பங்கு இருக்கிறது. ஆனால் இதில் கோலி..? சென்னை அணிக்கு எதிராக 70 ரன்களுக்கு ஆல் அவுட் ஆனபோதும்சரி, ஐதராபாத் அணிக்கு எதிராக 231 ரன்களை தன்னுடைய பெளலர்கள் வாரி வழங்கியபோதும் சரி முழுவதுமாக தன்னுடைய நம்பிக்கையை, தன் அணியின் மீதான நம்பிக்கையை இழந்திருந்தார் கோலி. ராஜஸ்தான் ராயல்ஸ் அணிக்கு எதிராக 158 ரன்களை பெங்களூரு அடித்து முடித்ததுமே, ``20-30 ரன்கள் குறைவாக அடித்துவிட்டோம். அதனால் வெற்றி என்பது கடினம்’’ என பெளலர்களின் மீது நம்பிக்கை இழந்து பேட்டியளித்தார் கோலி.  

ஒட்டுமொத்த விகடனுக்கும் ஒரே ஷார்ட்கட்!

கேப்டன்ஷிப்... நீங்க விசில் போடணும் கோலி!

மாறாக 27 ரன்களுக்கு 3 விக்கெட்டுகளை இழந்திருந்தபோதும், கூலாக களத்துக்குள் வந்து தன் மீது நம்பிக்கைவைத்து, உடன் ஆடும் பேட்ஸ் மேனுக்கும் நம்பிக்கையளித்து அணியின் ஸ்கோரை 175 ரன்களுக்கு உயர்த்தினார் தோனி. சுரேஷ் ரெய்னா, அம்பதி ராயுடு, வாட்ஸன், பிராவோ, டுப்பெளஸ்ஸி, ஹர்பஜன், தீபக் சஹார் என அணியின் வீரர்கள் மீது பெரும் நம்பிக்கைவைத்திருக்கிறார் தோனி. இதேப்போல் டிவில்லியர்ஸ், மொயின் அலி, ஹெட்மெயர், கிராந்தோம், சாஹல் என ஸ்டார் ப்ளேயர்களை வைத்திருக்கும் கோலியோ யாராவது கொஞ்சம் சொதப்பினாலும் நம்பிக்கை இழந்துவிடுகிறார். 

கேப்டன்ஷிப்... நீங்க விசில் போடணும் கோலி!

ஒரு பேட்ஸ்மேனாக தன்னால் அதிக ரன்களை அடிக்கமுடியும், சேஸ் செய்ய முடியும் என நினைக்கும் கோலி, தன்னுடைய வீரர்களாலும் அதை நிகழ்த்த முடியும் என்பதில் நம்பிக்கை வைக்க வேண்டும். ஒவ்வொரு வீரரையும் புரிந்துகொள்ள வேண்டும். அவர்களின் பலம் என்ன, பலவீனம் என்ன என்பதை சரியாகப் புரிந்துகொண்டு சரியான நேரத்தில் ஒவ்வொருவரையும் பயன்படுத்தவேண்டும். மொயின் அலி பெங்களுரு அணிக்காக நான்கு அடுத்தடுத்த போட்டிகளில் விளையாடியிருக்கிறார். ஆனால் ஒரு போட்டியில்கூட ஒரே ஆர்டரில் விளையாடவில்லை. முதல் போட்டியில் 1 டவுன் பேட்ஸ்மேனாக, அடுத்தப்போட்டியில் ஓப்பனராக, அதற்கடுத்தப்போட்டியில் 3 டவுன் பேட்ஸ்மேனாக என அவர் இடம் மாறிக்கொண்டே இருக்கிறது. இதேப்போன்றுதான் ஹெட்மெயருக்கும். சென்னையில் அதிகம் விளையாடியிருக்கும் வாஷிங்டன் சுந்தருக்கு ப்ளேயிங் லெவனில் கோலி இடம் அளிக்கவில்லை. கோலி ஒரு வீரர் மீது எவ்வளவு சீக்கிரம் நம்பிக்கை கொள்கிறார், எவ்வளவு சீக்கிரம் நம்பிக்கை இழக்கிறார் என்பதற்கு இவையெல்லாமே உதாரணங்கள்தான்.

கேப்டன்ஷிப்... நீங்க விசில் போடணும் கோலி!

பெளலிங் ரொட்டேஷன்!

கோலியின் பலவீனமும், தோனியின் பலமும் பெளலிங் ரொட்டேஷன்தான். சரியான பெளலர்களை சரியான நேரத்தில் பந்துவீச அழைப்பார் தோனி. ரன்கள் போனாலும் உடனடியாக பெளலிங் சேன்ஜ் இருக்காது. ஆனால் கோலியிடம் அப்படி இல்லை. தன்னுடைய பெஸ்ட் பெளலிங் ஆப்ஷன்களை ஆட்டத்தின் தொடக்கத்திலேயே பயன்படுத்திவிட்டு இக்கட்டான சூழல்களில் வழி தெரியாமல் நிற்பார்.  சாஹல், மொகமது சிராஜ், உமேஷ் யாதவ், மொயின் அலி என பெங்களூருவின் பெளலிங் அட்டாக்கை சுமார் என்று சொல்லிவிடமுடியாது. எப்போது யாரை பயன்படுத்தவேண்டும் என்பதில்தான் கேப்டனின் திறமை இருக்கிறது. அதில் மிகவும் பின் தங்கியிருக்கிறார் கோலி. இதில் மாஸ்டராக இருக்கிறார் தோனி.

மொத்தத்தில் கோலி, தோனியிடம் இருந்து விசில் போடக் கற்றுக்கொள்ளவேண்டும். அப்போதுதான் அவரால் ஒருமுறையாவது ஐபிஎல் கோப்பையை கையில் ஏந்த முடியும். இல்லையென்றால் ஒவ்வொரு முறையும் `ஈ சாலா கப் நம்தே' என வெற்று வார்த்தைகளில்தான் முழங்க வேண்டியிருக்கும்!

சார்லஸ்